​ГАР УТАС, WIFI НЬ ХҮНИЙ НҮДЭНД ҮЗЭГДЭХГҮЙ СОРОНЗОН ДОЛГИОНЫГ ЯЛГАРУУЛЖ БИЕД СӨРӨГ НӨЛӨӨ ҮЗҮҮЛДЭГ

Утас нь тодорхой хэмжээгээр хорт бодис ялгаруулж байдаг учраас хүүхэд гэлтгүй насанд хүрсэн хүмүүс ч утас болон wifi-аа хязгаарласнаар анхаарал сарних өвчлөл болон олон төрлийн хорт хавдруудаас урьдчилан сэргийлэх боломжтой байдаг байна.

Австралийн Эрүүл мэндийн шинжлэх ухааны судалгааны хүрээлэн хүн төрөлхтөний гар утасны хэрэглээ ийм чигээр үргэлжилбэл 2020 он гэхэд гуравны нэг орчим хувь нь хорт хавдрын оноштойгоор нас нөгчинө гэсэн байдаг. Гэхдээ мэдээж зөвхөн гар утаснаас биш соронзон туяа ялгаруулдаг жижиг станцууд, зөөврийн антенн зэргийг хэлэх хэрэгтэй байх. Харин хүний тархинд нөлөөлөхгүй гэж баталж байгаа эрдэмтэд ихэвчлэн зохион бүтээгчид байдаг. хүүхдээ, өөрсдийгөө Wi-Fi сүлжээнээс хамгаалахгүй бол нойр хулжааж дарамт үүсгэдэг, эсийн өсөлт, тархины үйл ажиллагааг удаашруулдаг, зүрхэнд ачаалал өгдөг, хорт хавдар үүсгэж, эрдэс бодисын дутагдалд оруулдаг сөрөг нөлөөтэйг эрдэмтэд нотолсон. Тэгвэл гэр, сургууль, олон нийтийн газар үнэгүй интернэттэй болсон энэ үед хүүхэд өдөржин ухаалаг утастайгаа харьцаж, шөнө дэрлэж унтаж байна.

Мөн хүүхэд гэр бүл, найз нөхөдтэйгөө биш зөвхөн утастайгаа нөхөрлөж, гэр бүлийн халуун дулаан уур амьсгал алдагдаж байгааг сэтгэлзүйчид хэлж байгаа. Дунд сургуулийн сурагчид хичээл дээрээ өдөржин цахим ертөнцөөр аялж, тоглоом тоглож байна. Шөнөжин идэвхтэй Wi-Fi орчинд унтсан хүн маргааш нь ядрах, толгой өвдөх, нойр хүрэх гэх мэтээр зовиурлаж, ажлын бүтээмж нь эрс муудаж байгааг эрдэмтэд тогтоосон. Соронзон туяанд хүний чих, нүд, тархи ихэвчлэн өртдөг гэж ДЭМБ баталдаг. Ер нь шалтгаангүйгээр бие эвгүйрхэх, нойргүйдэх, сэтгэл гутралд өртөх, хэт цочимтгой мэдрэг болох, толгой өвдөх, тамир тэнхээ барагдах, цусны даралт ихсэх гэх мэтээр илэрдэг. Өнөөгийн бидний хувьд эдгээр шинж тэмдгүүд энгийн үзэгдэл болчихсон тул төдийлөн анхаараад байдаггүй. Жирэмсэн болон 16 хүртэлх насныхан гар утсыг шаардлагатай биш л бол өөрөөсөө хол байлгавал зүгээр. Манайд одоогоор ийм тохиолдлууд бүртгэгдээгүй ч хүүхдүүд цусны өвчин тусах, нүдний болор цайх эмгэг, тархины хавдар, зүрх судасны өвчлөл, мэдрэлийн системийн үйл ажиллагаа доголдох зэрэг өвчлөлүүд гарч болзошгүй. Ер нь гар утас, соронзон долгион ялгаруулдаг бусад технологитой хэт ойр өссөн хүүхдүүд хортой туяаг биедээ их хэмжээгээр шингээдэг. Сүүлийн үед утасгүй технологи гэгдэх wifi-г давсан Li-fi гэж гэрэл ашигладаг интернэт сүлжээ гарч ирж байгаа гэсэн. Одоогийн wi-fi ч тархины гадаргад сөрөг нөлөө үзүүлдэг гэж үздэг. Энэ мэт бүр их соронзон орон ашигладаг технологиуд бүтээгдсээр байна.