ТАСАРСАН ЭД, ЭРХТЭН ЗАЛГАХ МЭС АЖИЛБАР ҮНЭ ТӨЛБӨРГҮЙ ХИЙЖ БАЙНА

ГССҮТ-д тасарсан эд, эрхтэн залгах мэс ажилбар үнэгүй хийгдэж байна. Манай улсад тасарсан эд эрхтний хэсгийг залгах мэс ажилбар төдийлөн хийдэггүй байсан тул тус төвийн эмч, эмнэлгийн ажилчдын чадавхижуулахаар гар сарвуу бичил мэс заслын тасгийн эмчийг Өвөр Монголын Үндэсний их сургуулийн харьяат эмнэлэгт мэргэжил дээшлүүлэн дагалдуулжээ.

Эмч нар Өвөр Монголын эмчтэй хамтарч мэс засал хийж, харилцан туршлага солилцож байгаа бөгөөд уг хагалгаа нь БНХАУ-д ойролцоогоор 10-15 орчим сая төгрөгийн ханштай байдаг бол ГССҮТ-д ард иргэддээ үнэгүй хийж үйлчилж байгаа аж.

Өвөр Монголын эмч 12 сарыг дуустал тус эмнэлэгт байх ба энэ хугацаандаа хагалгаа хийсэн өвчтөний биеийн байдал эдгэрэлтийг ажиглаж үр дүнг нь харах юм байна. Тасарсан эрхтний хэсгийг 6-аас 8 цагийн дотор 2-оос 4 градусын мөстэй саванд хадгалан эмнэлэг дээр авчирсан тохиолдолд мэс ажилбар хийх боломжтой байдаг аж.