СУУЛТУУР ЦЭВЭРЛЭДЭГ СОЙЗООР АЯГА УГААЖ БАЙЖЭЭ

Хятадын Хэйлунжян мужийн Харби хотын гурван алдартай зочид буудал мэргэжлийн хяналтын шагналтанд бүдэрч, шуугиан дэгдээв. Тэд эрүүл ахуйн наад захын шаардлагыг хангахгүй байсан нь тогтоогджээ. Тухайлбал, зочид буудлын цэвэрлэгээний ажилтнууд бие засах суултуур цэвэрлэдэг сойзоор аяга таваг, сав суулга бүгдийг нь цэвэрлэж байсныг илрүүлсэн байна. Түүнчлэн "Beijing Youth Daily" сонинд мэдээлснээр "Shangri-La", "Kempinski" зочид буудлууд өрөө цэвэрлэгээний стандартыг огт баримталдаггүй нь тодорхой болсон бөгөөд бие засах суултуур арчсан алчуураар шалаа цэвэрлэж байсан гэнэ. Тиймээс зочид буудлын эздэд дахин ийм байдал гаргуулахгүйн тулд сануулга өгч, торгосон ажээ. Мэргэжлийн хяналтын ажилтнууд нууц камер байрлуулж, дээрх хэргийг илрүүлсний дараа мэдүүлэг авч эхэлсэн байна. Ингэхэд 700-2700 юанийн төлбөртэй зочид буудлууд хэрнээ ажилчдаа илүү цагаар, хэт ачаалалтай ажиллуулдаг байсан нь тогтоогджээ.