Номхон далайд байдаг Тонга улсад хар шуурганы зэрэглэлд хоёрдугаарт бичигддэг шуурга дайран өнгөрснөөр барилга байшингууд нурж их хэмжээний эвдрэл учраад байна. цагт 200км хурдын Гита хар шуурга мягмар гарагийн шөнө тус улсын төв арал болох Тонгатапу арлыг дайрч их хэмжээний хохирол учраалснааса гадна парламентын ордон ч мөн сүйдээд байгаа юм. Тус улсын засгийн газар онцгой байдал зарлаад байгаа бол одоогийн байдлаар хүний амь эрсэдсэн талаар мэдээлэл байхгүй байгаа нь гамшгаас урьдчилан сэргийлэх албаны даргыг ч гайхшруулаад байна. Левени Ахо "Хар шуурга аймшигтай байсан болохоор би олон хүн амь насаа алдсан байх гэж айж байлаа. Бидэнд маш том аз таарлаа" гэж хэлжээ. Гамшгийн менежментийн газрын тэргүүн Грэхэм Кенна "их олон эртний барилга байгууламжууд сүйдсэн нь харамсалтай. Олон барилгын дээврээс гадна зарим хэсгүүд нь алга болсон" гэж мэдэгдсэн байна. Улаан загалмай нийгэмлэг, эмч нарын байгууллага зэрэг тусламжийн байгууллагууд ч Тонга улсад тусламж дэмжлэг үзүүлж эхэлсэн байна. Тонга улс нь хүн ам оршин суудаг 45, хүн амьдардаггүй 120 гаруй арлаас бүтдэг содон бүтэцтэй улс юм. Төв арал болох Тонгатапу арал дээр зуу гаруй мянган иргэн амьдардаг байна. Гита хур шуурга тус улсаас гарч Фижи арлыг чиглэн явж байгаа юм.
Сэтгэгдэл (0)
Сэтгэгдэл бичигдээгүй байна