50-59 НАСНЫХНЫ 88 ХУВЬ НЬ ЦЭРГИЙН АЛБА ХААЖЭЭ

Монгол Улсад орчин цагийн Зэвсэгт хүчин үүсэн байгуулагдсан өдрийг жил бүрийн гуравдугаар сарын 18-нд тэмдэглэдэг.

Зэвсэгт хүчний 97 жилийн ой, Монгол цэргийн баярын өдрийг тохиолдуулан Үндэсний статистикийн хорооноос Монгол Улсын эрэгтэйчүүдийн талаарх зарим тоон мэдээллийг инфографикаар гаргажээ.

Өнөөдөр нийт хүн амын 1 сая 562 мянга 400 нь эрэгтэйчүүд байна. Мөн Монгол эрэгтэйчүүдийн 65 хувь нь хотод, 35 хувь хөдөө амьдардаг. Түүнчлэн 18-29 насны залуусын 21.2 хувь нь цэргийн алба хаасан бол 50-59 насны эрчүүдийн дийлэнх нь буюу 88.3 хувь нь уг албыг хаасан гэсэн судалгааг гаргажээ.

Цэргийн албыг бүх нийтээр хааж байх нь өнөөгийн залууст эх оронч үзлийг төлөвшүүлээд зогсохгүй монгол эр хүний эрхэм чанар, бие бялдрын хүмүүжилд эерэгээр нөлөөлөх ач холбогдолтой гэдгийг энэ судалгаа харуулж байна.