“АРДЧИЛСАН ЭМЭГТЭЙЧҮҮДИЙН ХОЛБОО”-НЫ НЭР ДЭВШИГЧИД БАГАНУУР ДҮҮРЭГТ АЖИЛЛАЛАА

"Ардчилсан эмэгтэйчүүдийн холбоо"-ны бүх шатны тэргүүнийг сонгох сонгууль "Сэтгэлийн хүч" уриан дор үргэлжилж байна. Нэр дэвшигчдийн уулзалт, Ардчиллын өлгий нутаг Хэнтий аймгаас эхэлж, Сүхбаатар Дорнод, Дорноговь, Говьсүмбэр аймгуудад явагдаж, энэ удаа Багануур дүүрэгт үргэлжиллээ. Орон нутагт ажиллах үеэр, эмэгтэйчүүдэд тулгамдсан ажлын байр, хүний эрхтэй холбоотой олон асуудлуудад нэр дэвшигчид хариулт өгч, зарим асуудлыг газар дээр нь шийдвэрлэж ажилласан юм. Цаашид эмэгтэйчүүдэд хүүхдүүдэд тулгамдсан асуудалд ардчилсан эмэгтэйчүүд хүчтэй дуу хоолой болж ажиллана гэдгээ энэ үеэр хэлж байлаа. Мөн эмэгтэйчүүдийг ажлын байраар хангах, чадваржуулах асуудлуудыг нэр дэвшигчид мөрийн хөтөлбөрийн нэн тэргүүнд тусгажээ.

Нэр дэвшигчид Багануур дүүрэгт ажиллах үеэр, тус дүүргийн АЭХ-ний тэргүүнээр Баасанхүүгийн Сайнзаяа сонгогдон ажиллахаар болсон юм. Нийслэлийн АЭХ-ны тэргүүнд нэр дэвшигчид нийслэлийн багануур дүүргийн шинэ тэргүүнд амжилт хүргэхийн дээр Багануур дүүргийн гишүүддээ өөрсдийн хийж хэрэгжүүлэх ажлаа танилцууллаа.

Нэр дэвшигчид 21 аймаг нийслэлийн есөн дүүргээр өртөөлж, нийт эмэгтэйчүүддээ үзэл санаа, мөрийн хөтөлбөрөө танилцуулж байгаа юм. Нэр дэвшигчдийн уулзалт ирэх өдрүүдэд баруун аймгуудад үргэлжлэх юм.