Төрийн өндөрлөгүүд гурвуулаа но-той. Ерөнхийлөгч Х.Баттулгын холбоо сүлбээ бүхий хүмүүс Төмөр зам, Сайншандын аж үйлдвэрийн паркийн хэдэн зуун сая, тэрбумаар хэмжигдэх хэрэгт холбогдож олон жил хуулийн "хараанд" байсан ч сүүлдээ замхрах шатандаа орж байна.
Харин УИХ-ын дарга М.Энхболд төрийн албыг 60 тэрбумаар наймаалцсан гэх бичлэг ил болоод 2-3 жилийн нүүр үзэж буй. Энэ үйлдлээ спикер үгүйсгэдэг ч ийм яриа болсон гэдгийг АТГ- өчигдөр нотолсон бол 60 тэрбумын схем хэрэгжсэн эсэхийг тагнуулынхан сэргээн шалгаж эхэллээ.
Засгийн газрын тэргүүн У.Хүрэлсүх ч "цэвэр" хүн биш аж. Түүнийг төрсөн дүү У.Давхарбаяртаа жижиг, дунд үйлдвэрийг дэмжих сангаас 1.2 тэрбум төгрөгийн зээл авч өгснийг нэр бүхий гишүүд мэдээлсэн бол Ерөнхий сайдын энэ үйлдлийг АТГ-аас ч шалгаж эхэлснийг өчигдөр албан ёсоор мэдэгдлээ. ҮАБЗ-ийн гишүүд болох төрийн гурван өндөрлөгийн илрээд байгаа но нь л энэ болохоос хав дараастай байгаа өөр "зүйл" байгааг хэлж мэдэхгүй. Эндээс харахад төрийн гурван өндөрлөг гурвуулаа ард түмний халаасанд гараа "дүрсэн" болж таарах нь.
Сэтгэгдэл (0)
Сэтгэгдэл бичигдээгүй байна