Эрх баригч намын дотоод хагарал зөвхөн тэдний бус төрийн зовлон болоод удаж байна. Тухайлбал, Ардын намынхны Их хурлын дарга руу чиглэсэн бойкот эцэстээ төрийн ажлыг гацааж орхисныг отгон чуулгангүй оноо угтсан парламентын үйл ажиллагаа хангалттай харууллаа. Цаг хугацаа давчуу, хэрэгцээ шаардлага их байгаа хэдий ч Их хурлын гишүүд сар гаруй хугацаанд ирцээ бүрдүүлж, чуулганаа хуралдуулж чадсангүй.
Мөн парламентын зовлон Хотод халдварлаж, М.Энхболд, У.Хүрэлсүхийн нарын зодоонд Хотын дарга С.Батболд өртөж, горонд нь нийслэлчүүд Засаг даргагүй шинэ оноо угтсан юм. Өөрөөр хэлбэл, Хотын дарга асан С.Батболдыг Ерөнхийсайд У.Хүрэлсүхийн ганцхан нот бичиг л сайн дураар нь шахуу "явуулсан" гэхэд болно.
Оны өмнөхөн Хотын даргын сунгаа болж хэд хэдэн хүний нэр яригдсан ч эхний байдлаар НИТХ-ын дарга С.Амарсайханыг МАН-ын Удирдах зөвлөл дэмжээд байгаа юм. Тэгвэл Хотын мээрийн суудлын цаана томоохон эрх ашиг нуугдаж байгаа нь Нийслэлийн Монгол намын хорооны дарга Д.Сумъяабазар Хотын даргаар СХД-ээс Нийслэлийн иргэдийн хуралд сонгогдсон Дагвыг сонгох сонирхолтой байгаа бол Ерөнхий сайд У.Хүрэлсүхийн зүгээс НИТХ-ын дарга С.Амарсайханыгзүтгүүлж буй юм. Өөрөөр хэлбэл, У.Хүрэлсүх, Д.Сумъяабазар нар нийлээд М.Энхболдын фракцынС.Батболдыг огцруулж санасандаа хүрч чадсан ч харин дараагийн бялуу хуваах буюу Хотын даргын суудлын төлөө ийнхүү санал зөрөлдөж эхэлжээ. Тэдний дунд үйл ойлголцол, зөрчилдөөн үүсээд байгаа болМАН-ын Удирдах зөвлөлөөс С.Амарсайханыг дэмжиж НИТХ-д илгээсэн байдаг. Харин Д.Сумъяабазар буцаад М.Энхболдын фракцитай гар барьж тэдний зүтгүүлж буй С.Мөнхчулууныг дэмжин гар өргөхөөр болсон гэх мэдээлэл байна.
Сэтгэгдэл (0)
Сэтгэгдэл бичигдээгүй байна