Яг одоо болж буй УИХ-ын чуулганы хуралдаанаар Ерөнхийлөгч Х.Баттулгын өргөн мэдүүлсэн Дэгийн тухай хуулийн нэмэлт өөрчлөлт, УИХ-ын тухай хуульд өөрчлөлт оруулах хуулийн төслийн эцсийн хэлэлцүүлгийг баталлаа. Хурлын үеэр гишүүд асуулт асууж, үг хэлсэн ба М.Энхболд, Ж.Батзандан нарын өчигдрийн "ХЭРҮҮЛ" ахиад үргэлжлэв.
УИХ-ын гишүүн Ж.Батзандан: Энэ хуулийг батлах гэж олон өдөр, шөнө гишүүд хэрэлдсэн. Уг нь хууль нь байгаа юм. Энэ хуулийг батлахгүйгээр УИХ-ын дарга өөрөө өргөдлөө өгөх боломжтой. Аргаа ядаад Ерөнхийлөгч энэ хуулийг оруулж ирсэн. Албан тушаалаас болоод авгай хүүхдээсээ салаад яах вэ гэж сонгогчид маань дамжуулж байна. Ахмадууд их санаа зовж байна шүү. Энэ хууль бол УИХ-ын дотоод асуудлын тухай хууль. Дотоод асуудлаа шийдэж чадахгүй 40 хонож байна. Манай дарга юу гэж бодож байгааг би мэдэхгүй байна. Монголоо бодож байгаа бол өөрөө өргөдлөө өгөх хэрэгтэй.
УИХ-ын гишүүн М.Энхболд: Батзандан гишүүн миний гэр бүлийн амьдрал руу дэндүү орж ирж байна шүү. Та хоёр өдөр ярилаа. Та Сүхбаатар аймагт нэр дэвшиж үзсэн юм уу. Ер нь та Сүхбаатар аймагт хэдэн удаа очсон юм бэ. Энэ хавиараа л амиа аргацаадаг биз дээ. Таныг бодвол би Сүхбаатар аймагт очиход хэдэн уяачидтайгаа ярьж сууж байгаад гараад ирнэ. Та юм эхлүүлчхээд зугтаадаг нь үнэн шүү. Үнэн юм хэлэхээр ингэж хүн рүү дайрч байдаг. Арай дэндүү дээрэлхэж байна шүү Батзандан гуай гэв.
Энэхүү хуулиуд 1-р сарын 25-ны өдрөөс хэрэгжиж эхлэх юм.
Сэтгэгдэл (0)
Сэтгэгдэл бичигдээгүй байна