БАРБИТАЙ ТӨСТЭЙ БОЛОХ ГЭЖ ЖИЛИЙН ДОТОР 15 УДАА МЭС ЗАСАЛ ХИЙЛГЭЖЭЭ

Барби хүүхэлдэй тэй адил харагдахын тулд Андреа Иванова гэгч 21 настай Болгар оюутан жилийн дотор 15 удаа мэс засал хийлгэсэн тухай “The Sun” сонин гаргажээ.

Андреа нь бүр багаасаа л Барбитай адил болохыг мөрөөддөг байсан, шинэ дүр төрхөндөө сэтгэл хангалуун  явдаг, хүн өөрийн хүссэнээр харагдах эрхтэй, гадаад байдал нь нийтэд таалагдах үгүй нь хамаагүй гэж “The Sun” сонины сэтгүүлчид ярьжээ. Харин тус сонины уншигчид нь бүсгүйн түүхийг уншаад түүнийг Даффи Дак нугас эсвэл бүр Лох-Нессийн мангастай адил болсон гэж даапаалсан байна. Зарим нь “Ийм эрэмдэг амьтдыг бүтээдэг эмч нарыг шоронд хорих хэрэгтэй”, “Урд нь сайхан бүсгүй байжээ. Чиний толгой дотор ер нь юм байдаг эсэхийг асуухаас өөр арга алга. Тэнд чинь хоосон уу?”,  “Чи үлээдэг хүүхэлдэй шиг харагдаж байна” гэж шүүмжилжээ.

Андреа өнгөрсөн жилээс гоо саяхны янз бүрийн мэс ажилбар хийж эхлээд хамгийн цөөндөө сард нэгийг хийлгэж байжээ. Тухайлбал, уруул нь хүүхэлдэйнийхээс бага боллоо гэх болгонд гиалуроны хүчил шахуулж бас хөх томруулах хагалгаа хийлгэсэн.

Үүнээс өмнө Лондонд амьдардаг нэгэн польш бүсгүй Барбитай адил болох гэж 50 мянган фунтээр хагалгаа хийлгэсэн тухай мэдээ гарч олныг алмайруулж байв. Тэрээр 18 наснаасаа хойш янз бүрийн мэс засал хийлгэн гадаад байдлаа өөрчилсөөр өдийг хүрсэн бөгөөд уруул, өгзөг, хамрынхаа хэлбэр ба хэмжээг өөрчлөх, хөх томруулах хагалгаа олныг хийлгэжээ.

ОРЧУУЛСАН З.АНАР