Шотландын Эдинбург хотноо амьдардаг Дэбби Стивенч гэгч 55 настай эмэгтэй өөрийгөө дэлхийн хамгийн бүтэлгүй нөхөртэй хүн гэж "Daily Mail" сонинд ярьжээ.
Дэбби Стивенсын энэ талаар ярихдаа "Нөхөр Крейг маань ёстой нэг явдаг гай. Хүрсэн юм болгон нь юу ч үгүй эвдэрнэ. Би амьдралдаа түүн шиг эв дүйгүй, бүтэлгүй хүнтэй таарч байгаагүй" гэсэн хэдий ч нөхөртэйгөө хамт 24 жил амьдарсан байх юм.
Нөхрийнхөө хийдэг зарим зүйлийн талаар сонирхуулжээ. Хуримлаад нэг жилийн дараа залгуурыг нь буруу оролтод хийгээд богино долгионы зуухаа буудуулсан. Хөргөгчөө цэвэрлэхдээ мөсийг нь хурдан хайлуулах гээд дотор нь цахилгаан халаагч хийж мартаад бүгдийг нь хайлуулсан. Шинэ буйдангаасаа хамгаалтын гялгар уутыг авч байгаа нь гээд хутгаар сийчээд эвдэлсэн. Өөр нэг ор автал будаг алдаж асгаад бүрээсийг нь балласан. Гэрэлтүүлгийг хэмжээ тохируулагч угсрах гэж байгаад гэрийнхээ бүх гэрлийг буудуулсан. Гэртээ цэвэрлэгээ хийж байгаад тоос сорогчоор зурагтынхаа дэлгэцийг хага цохисон.
Ингээд зогсохгүй нэг удаа зорчигчийн суудалд сууж байгаад зогсоол дээр хөдөлгөөнгүй байсан машинаа юм мөргүүлсэн. Дэбби "Эргээд гараад иртэл машин замын цаана байсан зоогийн газрын ханыг мөргөөд цоолсон байсан. Би маш их айсан, азаар хэн ч гэмтээгүй" гэжээ. Болсон зүйлийг тодруулахад нөхөр нь арын суудалд сууж байгаад радионы сувгийг солих гээд гараа сунгахдаа гар тормозыг нь мулталсан тул машин нь уруугаа өнхөрсөн байж.
Энэ Крейгтэй адил бүтэлгүй нөхрийн тухай мэдээ 2018 онд гарч интернет орчныг хөгжөөж байсан. Австралид амьдардаг залуу түймэрт зургаан удаа өртсөн. Гурван удаад нь гэр нь шатсан, хоёр удаа нь ажлын байран дээр нь гал гарсан, нэг удаад мань эрийг зөөж явсан түргэний тэрэгт осол гарч шатаж байжээ.
Сэтгэгдэл (0)
Сэтгэгдэл бичигдээгүй байна