Иорданы вант улсын нутагт болсон "Eager Lion — 2019" хээрийн сургуульд Иорданы зэвсэгт хүчнээс гадна Саудын Аравийн зэвсэгт хүчин оролцсон байна. Хээрийн сургуулилтад Саудын Аравийн Тэнгисийн цэрэг, Цэргийн нисэх хүчин, Агаарын довтолгооноос хамгаалах хүчний ангиуд оролцжээ. Түүнчлэн энэ хээрийн сургуулилтад АНУ, Их Британи, Франц, Япон, Германы цэргийн албан хаагчид оролцжээ. Тус ажиллагаанд нийт найман мянган цэргийн албан хаагч оролцсон тухай Asharq Al-Awsat агентлаг мэдээлж байна.
Саудын төлөөлөгчдийг тэргүүлсэн бригадын генерал ЖафарбенХади Аль-Кахтани нь хээрийн сургуулилтыг алан хядлагатай явуулж байгаа олон улсын тэмцлийн хүрээнд албан хаагчдын чадварыг дээшлүүлэх зорилготой байсан гэж мэдэгджээ. Хамтарсан бэлтгэлт сургуулилтад хотын нөхцөлд байлдааны ажиллагаа явуулах, барьцааны хүмүүсийг суллах, стратегийн чанартай тусгай ажиллагаа явуулах дадлыг боловсронгуй болгосон аж. Түүнчлэн сургуулилт нь бодит байдалд дээд зэргээр ойртуулсан нөхцөлд явагдсан тул дийлэнх тохиолдолд байлдааны сум ашигласан гэжээ.
Мөн энэ сургуулилтад Америкийн В-52 стратегийн бөмбөгдөгч оролцон Иорданы тусгай талбар дээр бөмбөгдөлт явуулах ёстой байсан ч Британи дахь нисэх баазаас хөөрсний дараа гэмтэл гарсан тул буцаж газардан оролцож чадаагүй байна.
Сэтгэгдэл (0)
Сэтгэгдэл бичигдээгүй байна