Энэтхэгийн эрх баригч Бхаратияжанатапарти(БЖП) намын гишүүд, идэвхтнүүд Ерөнхий сайд НарендраМодийн эрүүл мэндийн төлөө долоо хоногийн мөргөл үйлдэхээр болсноо зарласныг "AajTak" мэдээний агентлаг уламжилжээ.
БЖП –ийн Үндэсний дэд Ерөнхийлөгч АвинашРайКханна нь Жаммуд болсон намын хурал дээр Ерөнхий сайдын эрүүл мэндийн төлөөх залбирлыг есдүгээр сарын 17-нд болох түүний төрсөн өдрийг тохиолдуулан явуулах гэж байгаа бөгөөд есдүгээр сарын 14-20 өдрүүдэд болно гэдгийг мэдэгджээ. Улмаар энэ жарга хэмжээнд БДП-ийн бүх гишүүдийг оролцохыг уриалж "Та бүхний хичээл зүтгэлээр бид НарендраМодийг урт удаан наслуулбал, тэр цаашдаа Энэтхэгийн үндэсний эрх ашигт нийцсэн Кашмирийн тусгай статусыг халах гэх мэт чухал шийдвэрүүдийг гаргах болно" гэжээ.
Наймдугаар сарын 5-нд Энэтхэгийн Засгийн газар нь Жамму ба Кашмир мужийн тусгай эрхийг халж, бие даасан хоёр субъект болгон хуваах шийдвэр гаргасан юм. "Бхаратияжанатапарти"-н гишүүд нь Кашмирын тусгай статусыг үгүй болгосноор энэ мужийг Энэтхэгтэй бүрэн нэгдэн нийлэх боломж олгосноор хөрөнгө оруулалт хийх, эдийн засгийг нь өсгөх, бүс нутгийг хөгжүүлэх таатай боломж бүрдсэн гэж үзэж байгаа аж.
Сэтгэгдэл (0)
Сэтгэгдэл бичигдээгүй байна