Этиопын Тыграй мужид эрх барьж байгаа "Тыграйг чөлөөлөх үндэсний фронт" нам нь 2020 онд болох сонгуулийн өмнө давуу байдалтай болохын тулд сөрөг хүчний "Тыграйарена" намын улстөрчийн 16 ямааг хураан барьцаалж, сонгуульд оролцуулахгүйн төлөө дарамт шахалт үзүүлж байгаа тухай Этиопын мэдээллийн "ECADF" сайт мэдээлсэн байна.
Энэхүү мэдээ интернэтэд цацагдсаны дараа Этиопын олон нийтийн анхаарлын төвд ороод байна. Мэдээг уншсан зарим хэрэглэгч тоглоом хийж, "улс төрийн хоригдол ямаануудыг чөлөөлөх" кампанит ажил эхлүүлсэн бол зарим нь энэ үйлдлийг улс төрийн сүрдүүлгийн хэсэг гэж үзэж байгаагаа мэдэгдсэн байна. Мэдээлэл олон нийтийн анхаарлыг татсан дараа Тыграй мужийн Цагдаагийн дарга нь ямаануудыг бэлчээр дээрээс нь хурааж авсан гэдгээ хүлээсэн ч энэ талаар мэдээллийн хэрэгслүүдтэй ярилцахаас татгалзжээ.
Сэтгэгдэл (0)
Сэтгэгдэл бичигдээгүй байна