ОХУ-ын Ерөнхийлөгч Владимир Путин нь 2001 оны есдүгээр сарын 11-ний халдлагаас хэд хоногийн өмнө АНУ-ын Ерөнхийлөгч Жорж Бушд анхааруулж байжээ. Энэ тухайд Америкийн Тагнуулын төв газрын шинжээч асан Жорж Биби шинэ номдоо бичсэнийг "ТАСС" мэдээлж байна.
Нью-Йорк, Вашингтон руу дайралт хийхээс хоёр өдрийн өмнө Путин Буш руу утсаар ярьж "Нэлээд эртнээс бэлдсэн, Афганистанаас гаралтай алан хядах цуврал дайралтын шинж тэмдгийг Оросын тагнуулын алба илрүүлсэн" гэж мэдэгдсэн тухай Биби бичсэн байж. Үүнээс гадна дайралт болсны дараа гадаадын төрийн тэргүүнүүд дотроо хамгийн түрүүнд Цагаан ордон руу залган эмгэнэл илэрхийлсэн нь Путин байсныг шинжээч сануулсан байна.
2001 оны есдүгээр сарын 11-нд болсон алан хядах халдлагын улмаас гурван мянган хүн амиа алдаж, зургаан мянга гаруй хүн шархадсан. "Аль Кайда" бүлэглэлийн гишүүд зорчигч тээврийн дөрвөн онгоц барьцаалан Нью-Йоркдахь Дэлхийн худалдааны төвийн хоёр ихэр цамхаг, Вашингтон дахь Пентагоны барилга руу дайрсан, нэг онгоцны цөмийн цахилгаан станц руу чиглүүлэх гэж оролдох үеэр зорчигчид нь алан хядагчдад эсэргүүцэл үзүүлсэн тулдаа Пенсильвани мужид, хээр унасан байдаг.
Сэтгэгдэл (0)
Сэтгэгдэл бичигдээгүй байна