Казахстаны шүүхээс насанд хүрээгүй хүний эсрэг бэлгийн хүчирхийлэл үйлдсэн 11 хэрэгтэнд химийн аргаар тайгалах ял оноосон тухай "NewTimes.kz" мэдээлж байна.
Казахстаны эрүүгийн хуулийн дагуу ийм хэрэг хийсэн этгээдүүдэд шүүх эмнэлгийн сэтгэцийн магадлан шинжилгээ хийсний үндсэн дээр ийм ял оноосон юм байна.
Химийн аргаар тайгалах үед эрэгтэйчүүдийн бэлгийн дур хүсэл өдөөлтийг хариуцдаг эр бэлгийн дааврын ялгаралтыг дарамтлан эрс бууруулж зогсоох эм, тариа хэрэглэдэг. Нэг удаагийн тарилга тодорхой хугацаагаар үйлчилдэг тул давтан тарилга хийх шаардлагатай байдаг.
Орчин тойрондоо аюултай бэлгийн чиг хандлага бүхий эрэгтэйчүүдийн бэлгийн дур хүслийг эмийн аргаар дарах аргыг 1950-60-аад онд АНУ, Их Британи, Германд туршилтын журмаар хэрэглэж эхэлсэн. Улмаар ХБНГУ нь 1973 нь насанд хүрээгүй хүний эсрэг бэлгийн гэмт хэрэг үйлдсэн хэрэгтнүүдийг химийн аргаар тайгалах хуулийг 1973 онд батлан хэрэгжүүлж байсан байдаг. Үүнээс хойш Франц, Бельги, Дани, Польш, Молдов, АНУ зэрэг орнуудад химийн аргаар тайгалах шийтгэл хэрэглэдэг болсон.
Казахстан нь 2018 оноос эхлэн насанд хүрээгүй хүний эсрэг бэлгийн хүчирхийлэл үйлдсэн этгээдэд шүүхийн шийдвэрээр химийн аргаар тайгалдаг болсон. Химийн тариа нь нэг бүр нь 4000 тенгегийн үнэтэй бөгөөд Казахстаны бага настны хүүхэд сонирхдог бэлгийн гаж донтнуудыг тайгалах зорилгоор тариа худалдан ахад 10 сая орчим тенге төсөвлөөд байгаа юм байна.
Гэхдээ хүний эрхийг хамгаалагчид нь химийн аргаар тайгалахад ашигладаг тариа нь ой ухаан муутгах, сэтгэл гутралд оруулах, зүрхний шигдээс болон тархинд цус харвалтаар нас барах эрсдэлийг нэмэгдүүлэх, чихрийн шижин ба бөөрний чулуугаар өвдөх магадлалыг эрс нэмэгдүүлдэг тул мэс заслын аргаар тайгалж байгаатай адил хүнлэг бус арга гэж шүүмжилдэг.
Сэтгэгдэл (0)
Сэтгэгдэл бичигдээгүй байна