Хэт их масстай хар нүхний фото зургийг авсан эрдэмтэд "Физикийн салбарт дахь үсрэнгүй амжилт" шагналыг хүртсэн байна. Дэлхийгээс 54 сая гэрлийн жилийн зайд байгаа "Messier 87" галактикийн төв дэх хар нүхний зургийг авахын тулд дөрвөн тив байрласан найман радиотелескопын"Event Horizon Telescope" сүлжээ болгон нэгтгэх шаардлагатай болжээ.
Хар нүхний анхны зургийг 2019 оны дөрөвдүгээр сард тусгайлан зохион байгуулсан хэвлэлийн бага хурал дээр олон нийтэд танилцуулж байсан юм. Асар их татах хүчний улмаас гэрэл ч гадагш цацарч чаддаггүй хар нүхний зургийг хүн төрөлхтний түүхэнд анх удаа авсан нь энэ. Энэхүү амаргүй ажилд хичээл зүтгэл гаргасан 347 эрдэмтэн энэхүү шагналыг дагалдан ирдэг 3 сая долларыг хуваан авахаар болж байна.
Сэтгэгдэл (0)
Сэтгэгдэл бичигдээгүй байна