АНУ-ын Цэгийн нисэх хүчин нь саяхан Саудын Аравийн газрын тос боловсруулах үйлдвэр рүү хийсэнтэй адил дайралт хийж Катар дахь шуурхай ажиллагааны төвийг устгасан үеэр авах арга хэмжээг дуурайлгасан хээрийн сургууль хийжээ.
Энэхүү хээрийн сургуулийн үеэр Афганистанаас эхлээд Сири хүртэл Америкийн нисэх хүчний бүх ажиллагааг удирддаг Катар дахь Нисэхийн нэгдсэн шуурхай ажиллагааны төвийн нэг хоногийн турш хаасан байна. Энэ төвийн оронд Өмнөд Каролина муж дахь Нисэхийн шуурхай ажиллагаа удирдах төв бүх удирдлагыг түр авч ажилласан байна. Ирантай дайтсан нөхцөлд АНУ-ын Ойрх Дорнод дахь удирдлагын төвүүд, түүний дотор Катар дахь төв рүү пуужингаар цохилт өгч устгана гэж үздэг тул ийм сургуулилт хийсэн аж.
Мөн Саудын Аравийн үйлдвэр рүү хийсэн дайралт нь Америкийн агаарын довтолгооноос сэргийлэх хэрэгслүүд олон арван дрон, далавчит пуужингийн дайралтыг няцаах боломжгүйг харуулсан тул Катар гэх мэт газар байрласан төвүүдийг дайн эхэлбэл бараг л шууд устсанд тооцож болохоор болсон байна.
Сэтгэгдэл (0)
Сэтгэгдэл бичигдээгүй байна