Өнөөдөр ОХУ-ын Сочид Орос-Африкийн чуулга уулзалт эхэлж байна. Хоёр өдөр үргэлжлэх энэхүү чуулга уулзалтад Африкийн бүх улс орны төрийн тэргүүнүүд, тус тив ба бүс нутагт үйл ажиллагаа явуулдаг бүх л олон улсын байгууллагуудын удирдлага уригдан очоод байгаа юм байна. Оролцогч талууд нь Африкийн орнууд ба ОХУ-ын хувьд нэн чухалд тооцогдож байгаа сэдвүүдээр санал солилцох аж. Энэхүү чуулга уулзалттай зэрэгцээд Африк ба Оросын эдийн засгийн форум явагдах юм байна. Энэхүү форумын үеэр Африкийн орнууд ба Оросын хооронд худалдаа эдийн засгийн хамтын ажиллагааны хамгийн таатай орчин бүрдүүлэх нөхцөл боломжийг бий болгох талаар ярилцах аж.
Зөвлөлт гүрэн байх үед оросууд Африк тивд тун идэвхтэй үйл ажиллагаа явуулдаг байсан. Өрнөдийн колоничлолоос чөлөөлөгдөхөөр тэмцэл хийсэн маш олон оронд зэвсгийн тусламж үзүүлж, ялалт байгуулсных нь дараа олон мянган оюутныг нь нутагтаа сургах, хөнгөлөлттэй зээл тусламж олгох зэргээр байнга хамтран ажилладаг байсан. Харин Зөвлөлт гүрнийг задран унасны дараа ОХУ-ын хувьд Африк тивтэй манатай болоод байснаа сүүлийн жилүүдээс анхаарч эхэлсний нотолгоо нь энэ арга хэмжээ болж байна.
Сэтгэгдэл (0)
Сэтгэгдэл бичигдээгүй байна