2020/07/12
USD 2,811

Иранд шатахууны үнэ нэмснээс үүдэлтэй эсэргүүцлийн жагсаал үргэлжилсээр байна

Н.Мичидмаа
2019/11/19

Ираны эрх баригчид бензиний үнийг урьдчилан мэдэгдэлгүйгээр гэнэт чөлөөлсний дараа тус улсын олон арван хотод эсэргүүцлийн жагсаал эхэлсэн нь одоо ч үргэлжилсээр байна. Ингэж үнийг гэнэт чөлөөлснөөр бензиний үнэ хамгийн багадаа 50 хувиар өссөнийг иранчууд эсэргүүцэн жагсаж байгаа аж. Харин эрх баригчид үнэ чөлөөлснөөр төсөвт орж ирэх мөнгийг ядуу айл өрхөд мөнгөн тусламж үзүүлэхэд зарцуулна гэж мэдэгдсэн тухай "BBC" мэдээлсэн байна.

Ираны эрх баригчид үнэ чөлөөлөөд зогсохгүй худалдах хэмжээнд шинэ хязгаарлалт тогтоосон нь жирийн иранчуудын уурыг их хүргэсэн бололтой. Шинэ дүрэм ёсоор авто машины хэрэглэгч бүрд 1 литрийг нь 15000 риалаар(ойролцоогоор 0,13 ам.доллар) 60 литр бензинийг нэг дор авахыг зөвшөөрсөн. Энэ хэжээнээс илүү бензин авахыг хүсвэл 1 литр тутмыг нь 30000 риал(0.90 ам.доллар) гэсэн үнээр арах аж. Өмнөх журам ёсоор жолооч болгонд нэг удаад 1 литрийг нь 10000 риалаар 250 литр бензин авахыг зөвшөөрдөг байсан тухай "Ассошейтэд пресс" агентлаг мэдээлжээ.

Шатахууны үнэ нэмсэнтэй холбоотой эсэргүүцлийн жагсаалыг тараах явцад Ираны эрх баригчид 1000 гаруй хүн баривчлаад байгаа тухай "Reuters" агентлаг мэдээлсэн байна. Энэ талаарх сэтгүүлчдэд мэдээлэл өгсөн хэвлэлийн бага хурлын о?зэр ИРаны Засгийн газрын төлөөлөгч АлиРабей "Босогчид хутга, галт зэвсэг ашигласан. Аюугүйн албаны ба цагдаагийн хэдэн албан хаагч барьцаалагдаж эсвэл амиа алдсан хэрэг гарсан" гэж мэдэгдсэнээс үзвэл байдал нэлээд ноцтой байгаа бололтой. Иймд Ираны Лалын хувьсгалыг хамгаалагчдын корпус үймээн самууны дарахад бэлэн гэж мэдэгдсэн гэж байна.

АНУ-ын авсан маш хатуу хориг арга хэмжээнээс болж Ираны эдийн засаг туйлын хүнд байдалд ороод байгаа юм. Иран өөрөө сайн чанарын газрын тос олборлодог хэдий ч боловсруулах үйлдвэрүүдийнх нь хүчин чадал хязгаарлагдмал, одоо байгаа үйлдвэрүүд нь Америкийн хориг арга хэмжээнээс болоод сэлбэг, хэрэгсэл худалдан авч чадахгүй байгаагаас шаардлагатай хэмжээнд ажиллаж чадахгүй болсон гэж байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна