Сингапурын нутагт тусгай зөвшөөрөл авалгүйгээр Хонконгт болж байгаа эсэргүүцлийн жагсаалыг дэмжих арга хэмжээ зохион байгуулсан Хонконгийн иргэнийг Сингапурын хууль сахиулагчид албадан нутаг буцаасан тухай "The Straits Times" мэдээлсэн байна. Энэ арга хэмжээ нь аравдугаар сарын 10-нд Сингапурын төвд байрлах нэгэн бааранд болсон аж. Цугласан хүмүүс кантон аялгаар эрх чөлөөний тухай уриа хашхирч байгаа бичлэг интернэтэд байршуулсны дараагаар Сингапурын хууль сахиулагчид тус арга хэмжээг зохион байгуулсан хүмүүсийг саатуулсан юм байна. Энэ хэрэгтэй холбоотой гаргасан мэдэгдэлд "Сингапурт зоогийн газрын сүлжээ эзэмшдэг Хонконгийн иргэнд хатуу анхааруулга өгч, цагаачлалын албанаас тусгай зөвшөөрөл өгөхөөс нааш манай хот улсын нутагт орж ирэхийг нь хориглов" гэжээ. Улмаар "Гадаадын иргэд энд олон нийтийн арга хэмжээ эсвэл өөр ямар нэг хориотой арга замаар улс төрийнхөө ашиг сонирхлыг өмөөрөхийг Сингапурын эрх баригчид хүлээн зөвшөөрөхгүй" гэсэн байна.
Сэтгэгдэл (0)
Сэтгэгдэл бичигдээгүй байна