Эрүүл мэндийн яамнаас жил бүр "хөнгөлөлттэй эмийн жагсаалт"-ыг баталдаг. Тэгвэл ирэх жил мөрдөгдөх жагсаалтыг өнгөрсөн долоодугаар сард баталсан байна. Харин уг шийдвэр нь энэ сар буюу 11-р сард олон нийтэд мэдээлэгджээ. Тэр үеэс эм хангамжийн байгууллагууд тухайн тогтоолыг хэрэгжүүлэх боломжгүйг хэлсээр иржээ. Тодруулбал, тухайн жагсаалтад багтсан 170 гаруй нэр төрлийн эм нь иргэдэд харэглэгдэх боломжгүй болсныг хэлэв. Учир нь тухайн эмүүдийг бөөний худалдааны үнээс нь ч хямдаар жагсаалтад тусгасан тул хөнгөлөлттэйгээр худалдах боломжгүй гэв. Ингэснээр иргэд нэн шаардлагатай эмүүдээ өөрийн мөнгөөр авна гэсэн үг. Харин тухайн жагсаалтад дан ганц Монос фарм компанийн эмүүдийг одоо худалдаанд байгаа үнээс нь ч өндрөөр үнэлснийг мэдээлэв. Ингэснээр ганц компанид давуу байдал олгож, цаашилбал, иргэдийн эрүүл мэндэд аюул учруулж байгааг эм ханган нийлүүлэх байгууллагуудын төлөөлөл хэлэв. Тиймээс Эрүүл мэндийн сайд 12-р тогтоолоо эргэн харахыг хүслээ. Хэвлэлийн хурлын мэдээллийг бүтнээр нь хүргэе.
Сэтгэгдэл (0)
Сэтгэгдэл бичигдээгүй байна