Украйны парламент хоёр дах удаагийн хэлэлцүүлгээр "Украйны ардын депутатын статусын тухай" хуульд өөрчлөлт оруулах тухай хуулийг баталж, парламентын гишүүдийн халдашгүй эрхийг цуцлах журамд өөрчлөлт оруулсан тухай "Украйнскаяправда" мэдээлсэн байна. Хууль 2020 оны нэгдүгээр сарын 1-ээс мөрдөгдөж эхэлнэ. Шинэ өөрчлөлтийн дагуу парламентын гишүүдийн эсрэг эрүүгийн хэрэг үүсгэх, мөрдөн байцаалтын үеэр саатуулах горимыг тогтоох эрх зөвхөн Ерөнхий прокурорт байхаар болжээ. Ерөнхий прокурор нь өөрийн үйлдлээ парламентын бусад гишүүдтэй зөвшилцөж, зөвшөөрөл авах шаардлагагүй болж байгаа юм байна. Үүнээс өмнө Украйны дурын мөрдөн байцаагч, прокурор нь парламентын гишүүдийн эсрэг эрүүгийн хэрэг үүсгэх эрхтэй байсан аж.
Үүнээс болоод шинэ хуулийг сөрөг хүчний зүгээс нэгдүгээрт Ерөнхий прокурорын эрх мэдлийг нэмэгдүүлэхэд чиглэсэн, хоёрдугаарт бодит байдал дээр парламентын эрх баригч фракцын гишүүдийг бүр ч их халдашгүй эрхтэй болголоо гэж шүүмжилсэн байна.
Сэтгэгдэл (0)
Сэтгэгдэл бичигдээгүй байна