Австралийн эрх баригчид Хятадын Хубэй мужийн Уханьд хорио цээрийн дэглэмд орж, нутаг буцах боломжгүй болсон иргэдээ буцааж тахаар болсон байна. Гэхдээ Уханиас авчирсан иргэдээ шууд эх газрын Австралид авчрахгүй эргээс 1000 гаруй км-ийн зайтай арал дээр буулган тусгаарлахаар болсон тухай “Sydney Morning Herald” мэдээлжээ.
Австралийн ЗГ-ийн тэргүүн Скотт Моррисон эх орон нэгтнүүдээ буцаах талаар Хятадын удирдлагуудтай ярьж тохиролцсон байна. Ингэснээр Ухань хотоос Австралийн иргэн 600 орчим хүн, мөн Шинэ Зеланд болон Номхон далайн арлын улсуудын иргэдийг авчрахаар болжээ.
Гэхдээ Ухань хотоос онгоцоор тээвэрлэн ирэх иргэдийг шууд Австралид буулгахгүй харин эргээс 1500 км-ийн зайтай Зул сарын гэгддэг арал дээр буулган тусгаарлаад 14 хоног ажиглалт хийсний дараа коронавирусын шинж тэмдэг илрээгүй тохиолдолд эх газрын Австралид нэвтрэхийг нь зөвшөөрнө гэдгийг Скотт Моррисон онцолжээ.
Энэхүү Зул сарын арал дээр нь Австрали руу хууль бусаар нэвтрэхийг завдаад саатуулагдсан цагаачдыг түр орогнуулах төв үйл ажиллагаа явуулдаг юм байна. Иймд арлын удирдлагыг сэжиг бүхий хүмүүсийг тусгаарлах, хянах тал дээр арвин туршлагатай гэж болохоор аж.
Сэтгэгдэл (0)
Сэтгэгдэл бичигдээгүй байна