УИХ дахь АН-ын бүлэг автомашины Онцгой албан татварын хуулийн хэрэгэжих хугацааг хойшлуулах хүсэлт гаргасан. Бүлгийн дарга Д.Эрдэнбат Ерөнхий сайдад энэ талаархи хүсэлтийг хүргүүлсэн байна.
Тавдугаар сарын 1-нээс эхлэн хос тэжээлт, шингэрүүлсэн хийгээр ажилладаг, цахилгаан тэжээлт автомашины татварыг 50 хувь бууруулж, суудлын автомашины хөдөлгүүрийн цилиндрийн багтаамж болон насжилтаас нь хамааруулан онцгой албан татварын хэмжээг нэмэхээр болсон.
Үүний дараа иргэд болон автомашин импортлогчид хуулийн хугацааг хойшлуулах талаар хэд хэдэн удаа санал хүргүүлжээ.
Хүрээлэн буй орчиндоо сөрөг нөлөө үзүүлдэг бүтээгдэхүүний хэрэглээг хязгаарлах зорилгоор онцгой албан татварыг олон улсын жишгээр ногдуулдаг. Гэтэл шатахууны зарцуулалт бага, иргэдийн өдөр тутам, ахуй хэрэглээ болсон автомашин, шингэрүүлсэн хийгээс онцгой албан татвар авч байгаа нь буруу шийдвэр хэмээн иргэд үзэж байна. Тиймээс энэхүү хуулийн иөрдөх хугацааг хойшлуулан 2017 оны аравдугаар сарын 01-ний өдөр болгон өөрчлөх тухай хуулийн төсөл боловсруулан, Засгийн газрын хуралдаанаар хэлэлцэн шийдвэрлэж, УИХ-д яаралтай өргөн барьж батлуулах асуудал яригдаж байна.
Сэтгэгдэл (0)
Сэтгэгдэл бичигдээгүй байна