Коронавирусийн тархалтын улмаас Токиогийн Олимпыг 2020 онд явуулахаа зогсоохоор бол бүрэн цуцлахгүй харин хоёр жилээр хойшлуулахаар шийдэж магадгүй тухай “Wall Street Journal” бичсэн байна. Тус сонины Японы зохион байгуулах хорооны гишүүн Харуюки Такахшигаас уулзан тодруулга авсны дараа ийнхүү бичжээ. Такахаши “Тоглолтын бүрэн цуцална гэж бодохгүй, хойшлуулах шийдэр гаргах байх. Бүрэн цуцалбал ОУОХ хүнд байдалд орно” гэжээ. Мөн Тоглолтыг нэг жилээр хойшлуулах нь олон ээдрээ дагуулна гэдгийг онцолжээ. Учир нь, жилийн дараа зохион байгуулагдах спортын том арга хэмжээг урьдчилаад товлосон байгаа тул тэр үеэр Олимпын тоглолтыг зохион байгуулна гэдэг хэт их ачаалал үүсгэнэ гэжээ. Иймд Олимпын тоглолтыг хоёр жилээр хойшлуулах нь хамгийн тохиромжтой гэсэн байна.
Тэгээд ч энэ жилд коронавирусийн тархалтаас болоод олон орны удирдлагууд аюулгүй байдлыг хангах өндөржүүлсэн байдалд орж, олон хүн цугласан бүх арга хэмжээг хориглоод байгаа. Ингэснээр Олимпын зэрэглэл тогтоох олон тэмцээнийг хойшлуулсан. Дээр нь Олимпын бамбар асаах ёслолыг хариуцдаг Грекийн Олимпын хорооноос энэ жил бамбар асаах ёслолыг үзэгчгүй явуулна гэж мэдэгдээд байгаа.
Гэхдээ Олон улсын Олимпын хороо нь долоодугаар сарын 24-өөс наймдугаар сарын 9-ны өдрүүдэд Зуны Олимпын тоглолтыг Токио хотноо амжилттай зохион байгуулах бодлоо өөрчлөөгүй гэж мэдэгдсээр байгаа. Хоёрдугаар сард тоглолтын зохион байгуулах хорооноос нөхцөл байдалд мониторинг хийх тусгай ажлын бага зохион байгуулж байгаа тухайгаа мэдэгдээд байсан юм.
Өвчний тархалтын талаар хамгийн арвин судалгаа явуулсан Хятадын эрдэмтэд Covid-19 өвчнийг наанадаж зургаадугаар сар хүртэл тархана гэж мэдэгдээд байгаа ч БНХАУ, Өмнөд Солонгос, Итали, Франц, Герман, АНУ зэрэг орнуудад коронавирусийн тархалт ямаршуу байдалтай болж өөрчлөгдөхийг бүгд анхааралтай ажиглаж байна.
Сэтгэгдэл (0)
Сэтгэгдэл бичигдээгүй байна