Хөл, хориог амжилттай зохион байгуулж, санаачлага гарган ажилласан гэх үндэслэлээр албан тушаалтнуудыг Нийслэлийн Засаг даргаар ажиллаж байсан С.Амарсайхан захирамж гарган тус бүрт нь 1.000.000 төгрөгийн мөнгөн шагнал, урамшуулал олгожээ.
Хотын захирагчийн захирамжаар тухайн үеийн Нийслэлийн засаг даргын хөгжлийн бодлогын асуудал хариуцсан нэгдүгээр орлогч Ж.Батбаясгалан, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Нийслэлийн ЗДТГ-ын дарга Ц.Уртнасан тэргүүтэй нийт 21 албан тушаалтныг Улсын Онцгой Комиссын дансанд төвлөрсөн хандиваас 21 сая төгрөг гаргуулан урамшуулсан байна.
Тэгвэл урамшуулалын асуудлаар Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалангаас зарим зүйлийг тодрууллаа. Тэрбээр "Улсын онцгой комиссоос өндөржүүлсэн бэлэн байдлын үед ажилласан албан хаагчдаа урамшуулах шийдвэр гарсан. Шагнал урамшуулал хандиваас гараагүй. Аудит орсон байгаа. Шагнал, урамшуулалын мөнгө цалингийн төсөвт байгаа. Бид нэг төгрөгийг нь аюулгүй байдлыг хангах үүднээс ажилтнуудад зарцуулсан" гэлээ.
Сэтгэгдэл (0)
Сэтгэгдэл бичигдээгүй байна