Шударгыг өчсөн эх сурвалжийг цовдолж, нийгмийг харанхуй байлгах сонирхол хуулийн байгууллагад байна уу? Сэтгүүлчид энэ талаар ямар бодолтой байна вэ?

М.Төгөлдөр
2020/09/19

Сэтгүүлч Л.Мөнхбаясгалан: Эх сурвалж гэдэг амины үнэтэй байх ёстой. Эх сурвалжаа хамгаалаад амиа өгөх, хоригдох  ёстой бол тэгэх л учиртай. Нэгэнт  хэн нэгний албан тушаалын алдааг нотолчихсон баримт нь байхад “Эх сурвалжаа хэл” гэж асуух шаардлага байхгүй. Энэ бол хамгийн аргаа барсан үйлдэл юм. 

"Монголын сэтгүүлчдийн нэгдсэн эвлэл"-ийн Дэд Ерөнхийлөгч З.Боргилмаа: Манай улсад “Хэвлэл мэдээллийн эрх чөлөөний тухай хууль”-ийг шинэчлэн батлах хэрэгцээ шаардлага бий. Гэсэн ч энэ хуулийг хэлэлцэх, батлах явц ээдрээтэй явж ирсэн. Хэд хэдэн удаа УИХ-ын босго давалгүй буцаж байсан. Сэтгүүлчийн мэдэж чадахгүй, мэдэх боломжгүй зүйлийг эх сурвалж иргэний зориг гарган нийгмийн сайн сайхны төлөө задалж байгаа учир үүнийг хуулиар хамгаалах ёстой. 

"Өдрийн сонин" Эрэн сурвалжлах, тоймчдын албаны дарга П.Хашчулуун: Аль ч улс орны эрх баригчид хэвлэл мэдээллийн байгууллага, сэтгүүлчийн эх сурвалжийг таслан зогсоохын төлөө байнгын тэмцэж ирсэн. Манайд ч энэ хандлага байсаар байна. Хамгийн сайн эх сурвалжтай сэтгүүлч хамгийн сайн сэтгүүлч. Сайн эх сурвалжийн мөрөөр сэтгүүлч далд буй үнэнийг олон нийтэд ил болгодог.  

“Зариг.мн” сайтын эрхлэгч Н.Өнөрцэцэг: Хэвлэл мэдээллийн байгууллагын амин сүнс нь “Эх сурвалж”. Эх сурвалж аюулд орно гэдэг нь иргэдийн мэдэх эрх аюулд орж байна гэсэн үг. Асуудал нь буруутай этгээд байтал түүнийг ил болгон гаргаж ирсэн сэтгүүлчид байж болохгүй. Эх сурвалжийн эрэлд гараад байгаа энэ байдал нь ирээдүйд шударга бус нийгмийг бий болгох нөхцлийг бүрдүүлж байгаа юм. Цагдаагийн байгууллагад мэдүүлэг өгөхөд биеийн байцаалтын дараа асуудаг асуулт нь “Эх сурвалжаа хэл” гэсэн асуулт заавал байдаг. 

"NTV" телевизийн Продюсер Ч.Лодойсамбуу: Өнөөдрийг хүртэл "Эх сурвалжаа хэл" гэдэг асуудал ингэж ил цагаандаа гарч байсангүй. Зариг.мн эх сурвалжаа ил болгосон тэр цагт манайд чөлөөт хэвлэл үгүй болно. Сэтгүүлчид төрийн юу хүссэнийг дамжуулдаг дамжуулагч болж хувирна. Эрх баригчдийн захиалгаар нэгэнт ил болсон баримтын гаргаж ирсэн эх сурвалж нь тодорхойгүй гэдэг үндэслэлээр буруутай этгээд цагаадах ийм л заль явж байна. 

"ТВ-9" телевизийн сэтгүүлч М.Батбилэг: Эх сурвалжаа ил болгохыг шаардсан энэ дарамтаас эхлэн хэвлэл мэдээллийн байгууллага  олон нийтийн өмнө хаалгаа хаалаа гэж ойлгох хэрэгтэй. Хэвлэл мэдээллийн байгууллага цэвэр итгэл найдвар бүхий эх сурвалж дээр оршдог. Гэтэл олон нийтийг мэдэх эрхээр хангадаг хамгийн гол зэвсгээ алдах ийм л нөхцөл бүрдсэн байна. 

"Монцамэ" агентлагийн захирал Б.Ганчимэг: Хэвлэл мэдээллийн байгууллагууд болон хувь сэтгүүлчийг эх сурвалжаа илчлэхийг шаардах нь өөрөө зарчимгүй үйлдэл. Эх сурвалжийг нь хэлүүлэх гэх нь өөрөө гэмт хэрэг. Шүүхийн өмнө ч бид эх сурвалжаа илчлэхгүй байх эрхтэй. Учир нь эх сурвалж бол сэтгүүл зүйн үнэт багана.

“Өрөг.мн” сайтын эрэн сурвалжлагч У.Болортуяа: Эх сурвалж бол хүний нуухыг хүссэн зүйлийг ил болгож байгаа учир шүгэл үлээгч юм. Хуулинд эх сурвалжийг хамгаалах зүйл заалтыг оруулж, батлуулах хэрэгцээ, шаардлага бий. Тухайн улс орны ардчилсан улс орон байх эсэх нь эх сурвалжаа хэрхэн хамгаалж буйгаас илэрхий харагдах учиртай.  

"Time" сайтын эрхлэгч Г.Улсболд: Сэтгүүлчийг эх сурвалжаа хаанаас олж авсан талаар задлахыг хуулийн байгууллага байнга шаардсаар ирсэн. Манай улсад МҮОНРТ-ээс бусад хэвлэл мэдээллийн байгууллагад эх сурвалжаа нуух эрх нь байхгүй байна. Сэтгүүлчид бид мэдээллийн эх сурвалжаа хэлэхгүй байх бичигдээгүй хуулийг мөрддөг. 

"Глоб интернэшнл" ТББ-ын хуульч Б.Пүрэвсүрэн: Сэтгүүлчдийн ёс зүйн зарчмын 8 дахь заалтад “Сэтгүүлч нь эх сурвалжаа хамгаалах үүрэгтэй” гэснээс бусдаар манайд хэрэгжиж буй хууль үгүй байна. Манай судалгаанд бүртгэгдсэн нийт 274 зөрчлөөс “Нууц эх сурвалжаа илчлэхийг албадсан” гэх 44 зөрчил бүртгэгдсэн. 



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 10 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 11 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 11 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 12 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 12 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 13 цагийн өмнө
Хүүхдийн паркт амьтны хүрээлэн ажиллаж байна 13 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 14 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 15 цагийн өмнө
Өнөөдөр цахилгааны хязгаарлалт хийх байршлууд 18 цагийн өмнө
Цасан шуурганаар сураггүй болсон хоёр иргэнийг хайж байна 18 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 18 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 18 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр