Улсын ерөнхий прокурорын газрын прокурор М.Гантулга нь гэр бүлээс гадуур харилцаатай эмэгтэйг "Сан" зочид буудалд зодож танхайрсан гэх мэдээлэл цахим орчинд тархсан юм.
Энэ мэдээллийн дагуу бид тодрууллаа. Улмаар “Гэмтэл согог судлалын үндэсний төв”-д 2020 оны есдүгээр сарын 26-ны өдөр 00 цаг 49 минутад “Сан” зочид буудалд 30 настай эмэгтэй Ц.У нь найз залуудаа зодуулж, хүчирхийлэлд өртөж, бие махбодын хохирол амссан гэж ханджээ.
Тухайн эмэгтэй нь УПЕГ-ын ахлах прокурор М.Гантулгад зодуулсан байж болзошгүй учир бид түүнтэй холбогдлоо.
- Цахим орчинд гараад байгаа мэдээллийг тодруулж байна. Үнэн үү?
- Энэ мэдээлэл огт худал мэдээлэл байна. Би дөнгөж сая Цагдаагийн байгууллага болон Прокурорын байгууллагад өргөдөл гаргалаа.
-Та “Гэмтэл согог судлалын үндэсний төв”-өөс үйлчилгээ авсан байна. Тийм үү?
-Тийм, ямар нэгэн гэмтэл бэртэл байхгүй.
-“Улсын ерөнхий прокурорын газр”-ын ахлах прокурор М.Гантулгыг таних уу?
Танина.
-Хамгийн сүүлд түүнтэй хэзээ уулзсан бэ?
- Өнгөрсөн долоо хоногийн баасан гаригт буюу /2020 оны есдүгээр сарын 25/-нд уулзсан нь үнэн. Энэ хүн бол манай хүргэн ахын найз учраас нэг нэгийгээ мэддэг. Бид нэг салбарт ажилладаг учраас би аливаа зүйлийг асууж, тодруулж холбоотой байдаг. М.Гантулга өнгөрсөн долоо хоногийн баасан гаригт Спортын мастер цол авсан, би бэлэг өгөх гэж уулзсан юм. Гэхдээ ямар нэгэн маргаан болоогүй. Бидний талаарх худал мэдээллийг хаанаас гаргаж байгааг олж мэдмээр байна.
- Ийм мэдээлэл гарснаас хойш Прокурор М.Гантулгатай та холбогдсон уу?
-Холбогдсон, харин ийм мэдээлэл гараад байна гэж байсан. Миний гэр бүл гээд олон асуудлууд зэрэг зэрэг гарч ирж байна, учрыг нь олохгүй байна. Би тэр хүний өмнө ч буруутай мэт санагдаж байна.
Ярилцсан О.Шүрэнцэцэг
Сэтгэгдэл (8)