2020/10/23
USD 2,811

Х.Баттулга: Сэтгүүлч хүн зөвд нь зөөлөн, бурууд нь шүүмжлэлтэй хандаж, нийгмийг урагшлуулах ташуур болж ажиллана гэдэгт итгэж байна

О.Шүрэнцэцэг
2020/10/10

Сэтгүүл зүйн салбарын шилдэг бүтээлийн эзнийг шалгаруулах “Балдорж” сангийн нэрэмжит 12 дахь удаагийн ёслолын ажиллагаа /2020.10.09/ боллоо. Ёслолын ажиллагаанд Монгол Улсын Ерөнхийлөгч Халтмаагийн Баттулга оролцож үг хэллээ.

Дэлхий дахинд тархсан цар тахлын улмаас энэ жил “Балдорж” шагналтныг тодруулахгүйгээр цар тахлаас үүдэн нийгэм, эдийн засаг, бизнес, гэр бүл, хувь хүний амьдралд гарсан өөрчлөлтүүд, тулгарч буй асуудлуудыг сурвалжлах төслийг шалгаруулж, тэтгэлэг олгохоор шийдвэрлэжээ. Улмаар шалгарсан төслийг сэтгүүлчид ба редакцуудын оролцоотойгоор нэг жилийн хугацаанд хэрэгжүүлнэ.

Уралдаанд 15 төслийн санал ирүүлснээс “Ergelt.mn” мэдээллийн сайтын сэтгүүлчдийн “Ковид-19 ба Монголчуудын амьдрал” төсөл шалгарчээ. Ёслолын ажиллагааны үеэр Монгол Улсын Ерөнхийлөгч Халтмаагийн Баттулга шалгарсан төслийг зарлав.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА ХЭЛСЭН ҮГЭНДЭЭ:

“Сэтгүүлчид ээ,

Хэвлэл мэдээллийн байгууллагын ажилтнууд аа,

Монгол нутгийн хөрсөнд соёолон буй чөлөөт хэвлэлийн нахиаг арчлан хамгаалах, нийгэмд шударга ёсыг бэхжүүлэх ариун үйлсийн төлөө тууштай тэмцэх уриатайгаар байгуулагдсан “Балдорж” сангийн үйл ажиллагаа өнөөдөр өргөжин тэлж, сэтгүүлч бүрийн ур ухаанаа уралдуулдаг, нийгэмд нөлөөлөхүйц арга хэмжээ болж чадсанд баяр хүргэе.

Цар тахлаас үүдэн нийгэм, эдийн засагт гарсан өөрчлөлтүүд, тулгарч буй асуудлыг уудлах, баримтжуулах, гарц шийдэл хайсан сэтгүүлчийн бүтээлийг санхүүжүүлэх “Балдорж” сангийн эрхэм зорилго бол цагаа олсон зөв шийдэл мөн.

Улс орны эдийн засаг, нийгмийн байдал хүндэрч, УИХ-ын хоёр ч удаагийн сонгуулиар нэг нам хэт олонх болсон энэ үед сэтгүүлчдийн үүрэг хариуцлага улам бүр өндөрсөх ёстой.

Сэтгүүлч, хэвлэл мэдээллийн байгууллагын ажилтан Та бүхэн эх орныхоо хөгжлийн төлөө зөвд нь зөөлөн, бурууд нь шүүмжлэлтэй хандаж, нийгмийг урагшлуулах ташуур болж ажиллана гэдэгт итгэж байна. Иймээс ч та бүхний үзэгний үзүүр нь зөвхөн үнэнийг бичдэг, үйл хэрэг нь сайн сайхны төлөө байдаг гэдэгт ч бас итгэж байна.

Сэтгүүлч таны эх орныхоо төлөө гэсэн сэтгэлээр хийсэн үйл хэрэг, бүтээл бүхэн түүхийн урт хугацаанд дарагдахгүй, харин ч улам бүр тодрох болно.

 Монголын сэтгүүлзүй харанхуй нийгмийг гэрэлтүүлэх гэрэл нь байж,  ард түмнийхээ итгэх найдвар нь байх болтугай.

 Та бүхэнд амжилт хүсье” гэлээ.


Сэтгэгдэл (7)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.187.194 |   2020/10/14
сэтгүүлч гэдэг хэн нэг хүссэн диплом барьсан этгээдийн хиидэг ажил биш ээ? Одоогийн сэтгүүлч хэмээн өөрийгөө өргөмжлөгчид мөнгө, зусар хоёрт шунасан зөвхөн өөрийгөө үзүүлэх өндийлгөхийн донтнууд болж. Тэдэндзөвхөн өөрийнх нь эрх ашиг, санаанд тохирох үг хэлсэн ньөнөөдөр мэдээллийн бай болж түүнийг таван цаасанд хүргэмүү?
Хариулах
68.145.61.75 |   2020/10/11
Hamgiin gol ni niigemd yamar medeelel zow zuitei bh be ard irged niigmiin setgelzuig yund cnigluulbel mongoliin hogjil dewshild heregtei be gedgee l sain bodoj tugeedeg bh heregtei
Хариулах
122.201.22.171 |   2020/10/11
Eрөнхийлөгч маань маш сайн ажиллаж байгаа гэж боддог. Бусад eрөнхийлөгчдийг бодвол ард түмнээ сонсож улс орныхоо төлөө 2гүй сэтгэлээр зүтгэж байгаа урд хоёид байгаагүй eрөнхийлөгч үнэлдэг хийж байгаа ажилд нь ч сэтгэл хангалуун байнаа
Хариулах
192.82.70.26 |   2020/10/11
Сэтгүүлчдэд төсвийн зарцуулалтыг хянах шалгах эрх өгчих.Тэгвэл цэвэршинэ.
Хариулах
202.126.89.224 |   2020/10/10
Амжилт хүсье! Сайхан үг хэлжээ манай төрийн тэргүүн
Хариулах
182.160.37.15 |   2020/10/10
Ene setguulch nertei heruul hiij hunii ul shagaisan humuusiin buduuleg archaagui baidliig uruvduuleh gesen buruu umand tashuur ugsun het ORK shinjtei setguulch nert humuus ih bolson bn. Ard tumend unen medeelel ugch ouynii homsdoloos avrah hemjeenii asuudliig hunduj zuv medeelel ugdug setguulch ih heregtei bn. Tuunees bish urgelj muu muuhau boloh bolohgui umiig sonssoor zalhaj bn. Ter Zarig metiin muu medeeg udur tutam yrij bichej bdg ni oi gutmaar setgel hoosruulah um. Sain setguulch nart ulam amjjlt husey
Хариулах
70.181.124.42 |   2020/10/10
Battulga erunhiilugchduu amijilt hysye.hamgiin sain ajillaj baigaa hyn shyy.dahin songonoo
Хариулах