Ш.Адьшаа: Миний зөвлөх А.Отгонбаатар жагсаалд оролцсон нь надтай хамаагүй, би Ерөнхийлөгчийн дохиогоор хөдөлдөг хүн биш

УИХ-ын гишүүн Ш.Адьшаа, А.Отгонбаатарыг өөрийнхөө зөвлөхөөр ажиллуулах болсон нь өчигдрийн жагсаалтай холбоогүй талаар тайлбар өглөө.  

Тэрбээр "Өчигдөр Сүхбаатарын талбай дээр залуучуудыг хамарсан цуглаан болсон. Тэд хэн нэгэн улс төрчийн захиалгагүйгээр цугласан. Энэ ажиллагаанд оролцож, хамгийн анх талбай дээр гарч ирж үзэл бодлоо илэрхийлсэн хүн бол А.Отгонбаатар гэдэг залуу. Энэ хүнийг миний зөвлөхөөр ажиллаж байгаа талаарх мэдээлэл хэвлэл мэдээллийн хэрэгслүүдээр гарч байна. А.Отгонбаатар миний зөвлөхөөр ажиллаж байгаа нь өчигдрийн жагсаалтай ямар ч холбоогүй" гэлээ.