Оросын сөрөг хүчний төлөөлөгч Алексей Навальныйн“Путины ордон. Дэлхийн хамгийн том авлига” баримтат кинон АНУ ба ХБНГУ-ын хамтарсан киночдын бага бүтээсэн тухай Германы “Stuttgarter Zeitung” сонин бичжээ.
Германы талаас Баден –Вюртемберг аймаг дах Фрайбург-им-Брайсгау хотод байрладаг “Blackforest Studios” нэртэй мэргэжлийн кино студи оролцсон юм байна. “Stuttgarter Zeitung” сонины сэтгүүлчид тус кино студийн эздийн олж уулзжээ. Кино студийн эзэд болох Нина Гвин Вейланд,Себастьян Вейланд нар нь олон жил АНУ-ын киноны салбарт ажиллаж байгаад 2020 оны арваннэгдүгээр сард төрөлх Германдаа өөрийн гэсэн бизнес нээсэн хүмүүс юм байна. Тэднийг бизнесээ эхлүүлээд удаагүй байхад Лос-Анжелст байрладаг нэгэн продюсерын компани холбогдон зарим материал дээр ажиллах боломжтой эсэхийг лавласан гэж сэтгүүлчдэд ярьжээ. Тэднийг зөвшөөрсөн хариу өгмөгц Америкийн продюсерын компани нь Навальныйтай хамтарч ажиллах ёстойг хэлсэн байна. Ингээд Навальный оролцсон зураг авалтууд, компьютер график гээд маш шаргуу ажиллах шаардлагатай болсон гэж ярьжээ.
Энэхүү “Blackforest Studios” мэргэжлийн өндөр түвшинд ажилладаг ч гэр бүлийн гэж болохоор цомхон болохоор кино авахад оролцсон хүмүүсийн талаарх нууцыг маш сайн хадгалсан байна. Ийм учраас Путины ордны тухай баримтат кинон хийгдэж байгаа тухай сэжгийг хэнд ч алдаагүй аж. Баримтат кинон эцсийн байдлаар эвлүүлж тохируулах ажлыг Лос Анжелст байрладаг продюсерын компани хийсэн бөгөөд тэр компанийн нэрийг “Blackforest Studios” нэрлэхээс татгалзжээ.
°C
Сэтгэгдэл (16)