Б.Сайнбаяр: Гарал үүсэл нь тодорхойгүй шатахуун импортлогдож, ШТС-уудаар борлуулагдаж байна

М.Төгөлдөр
2021/12/23

Сүүлийн үед шатахууны чанар муу, бензин зарцуулалт өндөр байгаа тухай иргэд шүүмжилж эхэлсэн. Тэгвэл өнөөдөр /2021.12.23/ шатахууны чанартай холбоотой асуудлаар “Шатахуун хэрэглэгчийн эрх ашгийг хамгаалах холбоо”-оос мэдээлэл хийлээ.

Сүүлийн үед шатахууны үнэ өдрөөс өдөрт нэмэгдэж, үнийн чөлөөлөлт нэрийн дор импортлогчид үнийг үгсэн нэмэгдүүлж байна. Шатахуун бол суурь үнэд нөлөөлдөг стратегийн чухал бүтээгдэхүүн юм. Монгол Улс стратегийн ач холбогдол бүхий шатахуунаа  импортоор гаднаас авдаг хараат орон.


Өнөөдөр экспортлогч ОХУ-аас хараат гэхээсээ илүү “Роснефть” компаниас бүтээгдэхүүн импортлогч цөөн хэдэн компаниас хэрэглэгчид хараат болж, үнийн өсөлт дор амьдарч байна.

Импортлогчид шатахууны үнийг буулгах, шатахууны чанар, стандартыг сайжруулах, хэрэглэгчдийн эрх ашгийг хангах талаар огт оролдлого, санаачилга гаргалгүй өнөөдрийг хүрсэн. Харин өөрсдөө төрийн бодлого, хууль, шийдвэрийг үргэлж өөрсдийн талд ашигтай байдлаар гаргуулж, үүнийхээ үр өгөөжийг иргэдэд хуваалцах биш, гагцхүү өөрсдийн ашиг болгон шингээж ирсэн.

Импортлогчдын хувьд төрөөс эдэлж байгаа бүх хөнгөлөлттэй, таатай нөхцөлүүдийг дурдья.

  1. Засгийн газрын тогтоолоор 2015 оноос эхлэн хилийн аль боомтоор оруулахаас хамаараад нефть бүтээгдэхүүн, шатахууны онцгой албан татварыг тэглэсэн ба 2018 оноос татваргүй оруулах боомтуудын тоог нэмэгдүүлсэн. Энэ нь алслагдсан аймгуудыг хямд үнэтэй шатахуунаар хангах нөхцөлөөр өгч буй хөнгөлөлт боловч орон нутгийнханд хотынхоос ч өндөр үнээр шатахуунаа борлуулж байна.
  2. Нэмэгдсэн өртгийн албан татварын тухай хуулиар 2015 оноос хойш шатахуун импортлогчид НӨАТ-ын татвараа хилээр шатахуун оруулснаас хойш 30 хоногийн дараа төлөх хөнгөлөлт эдэлж байна. Бусад бүх импортлогчид хилээр оруулж ирсэн бараандаа тэр даруй хил гаалийн татвар, онцгой албан татвар, НӨАТ-ын татвараа төлдөг.  
  3. Үнэ тогтворжуулах хөтөлбөрийг шатахуун импортлогчдод зориулан Засгийн газар, Монголбанк хэрэгжүүлж ирсэн. Энэ хүрээнд 2012-2016 оны хооронд 167 тэрбум төгрөгийг үнийн алдагдлын зөрүүнд авсан.
  4. Хамгийн сүүлд 11 дүгээр сарын 22-нд Үнийн зөвлөлөөр хэлэлцээд шатахууны үнийг чөлөөлж, импортлогчдод алдагдлаа иргэдийн халааснаас нөхөх шийдвэрийг гаргасан. Үүнээс хойш үнэ огцом өсөөд байна.

2019 онд Уул уурхай, хүнд үйлдвэрийн сайдаар Д.Сумьяабазар  ажиллаж байх үед тогтоол гаргаж, АИ 92 шатахууны үнийг 1400 төгрөгөөр тогтворжуулан хамгаалалт хийсэн ба үүний алдагдлын зөрүү 50 гаруй тэрбум төгрөгийг төсвөөс гаргалгүй олон улсын худалдааны зарчмаар Монгол дахь гадаадын төлөөлөгч компанийн тусламжтайгаар шийдвэрлэж, импортлогчдод дээрх зөрүүг буцаан олголт хийсэн байна. Эдгээр арга хэмжээнүүдээс өмнө ч үнийн зөрүү, алдагдлыг импортлогчдод төсвөөс олгож ирсэн. Гэсэн ч энэ бүх хугацаанд шатахууны үнэ өссөөр ирсэн.

 Шатахууны чанарын хяналт

 Мөн шатахууны чанарт иргэд, хэрэглэгчид маш гомдолтой байна. Хилээр орж ирж байгаа шатахуунд түргэвчилсэн шинжилгээ гэдэг шиг нэг удаагийн тестээр шинжилгээ хийж байна. Уг нь шатахууны октаныг л гэхэд моторын шаталтын аргаар шалгаж үздэг олон улсын стандарттай. Гэтэл улсын хэмжээнд Газрын тосны лабораторт ганцхан тийм хэмжигч байсан нь 2019 оноос хойш ажиллахаа больсон. Ажиллуулдаг техникч нь байхгүй, аль эсвэл сэлбэг нь байхгүй юу гэдгийг ч мэдэхгүй. Бүхэл бүтэн улс байж хэрэглэгчийн төлөө ийм байдалтай ажиллаж байна.

Шатахуун импортлогч компаниудад хэрэглэгчийн эрх ашгийн төлөө үнийн хяналт, чанарын хяналт хоёрыг төр тогтоож чадаагүй. Үргэлж тэдний эрх ашгийн талд үйлчилж байсан нь шатахуун импортлогчид  өөрсдийн төлөөллөө улс төрд гаргаж, хүссэн хууль шийдвэрээ төрийн нэрээр гаргуулж ирсэнтэй холбоотой.

Шатахуун хэрэглэгчдийн холбооноос цаашид хэрэглэгчдийн эрх ашгийг импортлогчдын эрх ашгаас дээгүүр тавьдаг байхыг импортлогчдоос болон төрөөс шаардаж бид энэхүү хэвлэлийн бага хурлыг хийлээ.




0
angry
0
care
0
haha
0
liked
0
love
0
sad
0
wow

Сэтгэгдэл (7)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.177
2021/12/25
0
0
Роснефтийн ШТСыг оруулж ирвэл үнэ ч бууна чанар ч сайжрана Тэгж байж энэ хэдэн шунал нь дэндсэн монополь цөөн компани шудрага өрсөлддөг болох байх
Хариулах
202.9.46.30
2021/12/24
0
0
Монголд өнөөдөр манайхны компаниуд байгаад хэрэг алга нэгнээ шулах гэсэн увайгүй үйлдлүүд нь хэрээс хэтэрч байна тэр оросын орос нефтийг оруулж ирэх хэрэгтэй.
Хариулах
64.119.19.96
2021/12/24
0
0
Оруулсанч яадын
Хариулах
202.179.25.116
2021/12/23
0
0
Юу яриад байгаа юм? үнээ бууруулхад чанар нь сайжирдаг юм уу? Ерөөсөө чанаргүй шатхуун нийлүүлсэн импортлогч компаниуд тусгай зөвшөөрөлийг цуцлах ёстой. Маш тодорхой баримтаа гаргаад тэмцэх нь зөв. Зөвхөн үнэ нэмснээс болж “шатхуун чанаргүй” гэдэг байдлаар ярьж болохгүй. Чанаргүй шатхуунаас болж хэдэн машины ямар эд анги нь эвдэрсэн юм, үүнээс үүдэн хэдэн төгрөгний хохирол үүсэв? энэ хохиролыг импортлогчидоор төлүүлэх. Гэсэн тодорхой асуудлаар гомдолоо гаргах ёстой. Чанаргүй шатхуунаас болж түлшний системд, цаашлаад мотор доголдож эвдэрнэ. Ингэж хохирсон жолооч нарын хохиролыгм барагдуула х ёстой. Засварын газрууд оншлоод гэмтлийг нь бичиж өгөх хэрэгтэй.
Хариулах
202.131.243.186
2021/12/23
0
0
manai heden shunaltai es zuigui kompaniuudaas putinii komoani ni arai es zuitei bh blhuidee
Хариулах
66.181.161.31
2021/12/23
0
0
Хэдэн компаниа муулаад бх чинь Путины хэдэн компанийг монголд оруулах нь уу?
Хариулах
139.5.217.32
2021/12/23
0
0
Шатахуун импортлогчдын дийлэнх нь засаг баригчдын компаниуд. Ард иргэд ч бараг дийлэхгүй байх өө. Харин бүгдээрээ нэгдэж чаддаг бол (даан нэгдэдгүй болохоор ийм байдалд хүрсэн ) худалдаж авахгүй бх хэрэгтэй
Хариулах
Шинэ мэдээ
Засгийн газрын сайд нар бүгд УИХ-ын гишүүн байх нөхцөл бүрдлээ 9 цагийн өмнө
“ТРИО” кино “Thai Film” фестивалийн шилдэг бүтээлийн төлөө өрсөлдөх эрхээ авлаа 9 цагийн өмнө
Нийслэлийн өвөлжилтийн бэлтгэл ажил 74 хувийн биелэлттэй байна 9 цагийн өмнө
АТГ: ЗТХЯ-ны албан тушаалтнуудтай хамаарал бүхий 30 гаруй объектод нэгжлэг хийнэ 10 цагийн өмнө
ЦХХХЯ НАСА-тай хамтран ажиллана 10 цагийн өмнө
​Д.Сумъяабазар: Усан паркийн асуудал хууль зөрчөөгүй, улстөржүүлж байгаа 14 цагийн өмнө
Нийслэлд цэцэрлэгийн насны 73,818 хүүхдийн хүсэлт бүртгэгджээ 15 цагийн өмнө
Зөвшөөрөлгүй барьсан 3621 гараашийг буулгав 15 цагийн өмнө
Л.Оюун-Эрдэнэ: Орон нутагт шилжин ажиллах иргэдэд ипотекийн зээлийн дэмжлэгээс гадна нэг удаагийн тэтгэмж олгоно 15 цагийн өмнө
Энэ намраас буруу талдаа жолооны хүрдтэй тээврийн хэрэгслийг хориглох эсэхийг эцэслэн шийдвэрлэнэ 16 цагийн өмнө
"Эрэл"-ийн Б.Эрдэнэбат, түүний өмгөөлөгч Н.Цэцэгмаа болон Нийслэлийн прокуроруудыг АТГ-аас шалгаж эхэлжээ 17 цагийн өмнө
"Давхар дээл" хэлэлцэх Цэцийн хуралдаан болж байна 17 цагийн өмнө
Л.Оюун-Эрдэнэ: Гэр хорооллын стандартыг сайжруулахад Сингапур улстай хамтран хэрэгжүүлнэ 17 цагийн өмнө
Дуу цахилгаантай аадар бороо орж сэрүүснэ 17 цагийн өмнө
Арилжааны 9 банкинд торгох шийтгэл ногдууллаа 2022/08/12
Samsung Galaxy Z Flip4 болон Galaxy Z Fold4 утсууд нь ухаалаг утасны зах зээлийн хэвшмэл байдлыг үүрд өөрчиллөө 2022/08/12
2022 оны ЭЕШ-ын дүнгээр тэргүүлсэн сургуулиуд 2022/08/12
ЭМГЭНЭЛ 2022/08/12
Малчин цэрэг мориноос унаж, хүнд гэмтэл аван ГССҮТ-д нисдэг тэргээр хүргэгдлээ 2022/08/12
Л.Оюун-Эрдэнэ: Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлж байна 2022/08/12