Худалдаа хөгжлийн банкны ТУЗ-ийн дарга Д.Эрдэнэбилэг өчигдөр “Улаан бал” нэвтрүүлэгт оролцож, үүсээд буй нөхцөл байдлын талаар байр сууриа илэрхийлэх үеэрээ "Төрд гомдож байна” хэмээн ярьсан.
Тэгвэл УИХ-ын чуулганы хуралдааны үеэр УИХ-ын гишүүн М.Оюунчимэг уг асуудлыг хөндөж, тэрбээр "Эрдэнэтийн 49 хувийн асуудлаар Засгийн газартай хэлэлцээ хийж буй тухай ярьсан. Үүнд Засгийн газар тайлбар өгөөч" гэв.
Ерөнхий сайд Л.Оюун-Эрдэнэ “Д.Эрдэнэбилэг төрд гомдож байна гэдэг асуулт болон хариулт миний бодлоор ямар ч логикгүй. Яагаад гэвэл Д.Эрдэнэбилэг өөрөө төр байсан. Д.Эрдэнэбилэг өөрийн шүүгчтэй, шулуухан хэлэхэд Д.Эрдэнэбилэг тухайн үеийн Ерөнхий сайд, УИХ-ын дарга, Ерөнхий шүүгч, Улсын ерөнхий прокурор, ТЕГ-ын дарга, Монголбанкны Ерөнхийлөгч, Хөгжлийн банкны бүх удирдлагыг томилсон байсан.
ХХБ, Эрдэнэт, Монросцветмет нэгдэл, Дархан, Хөтөл, Бор-Өндөр, Багануурыг хууль бусаар авсандаа л гомддог юм биш бол өөрөөр гомдох эрхтэй хүн биш.
Олон нийтэд юу болсон талаар нарийвчилсан мэдээлэл байхгүй л дээ. УИХ-ын гишүүдэд ч хангалттай мэдээлэл байдаггүй байх. 2016 оны сонгуулиас өмнө Монголбанк 160 тэрбум төгрөг, Хөгжлийн банк 36 тэрбум ам.доллар, Д.Эрдэнэбатын удирдаж байсан Аж үйлдвэрийн яамнаас 90.3 сая ам.долларыг ХХБ болон Кью Эс Си гэсэн схемээр дамжуулан Ц.Пүрэвтүвшингийн Ривер стоун компани руу 70 сая ам.долларыг зургадугаар сарын 14-ны өдөр мөн Сингапур улс руу шилжсэн компани руу 65-68 орчим сая ам.доллар, Юнайтед энержи системс компани руу 60-65 сая ам.доллар гаргасан. Нэг шөнийн дотор 70, 68, 68 гэсэн харьцаатай гүйлгээгээр “Монголиан коппер корпорейшн”-д төвлөрүүлсэн ийм л асуудал. Энэ банкны мөнгө биш, энэ төрийн мөнгө.
Эрдэнэтийн 49 хувь бол УИХ-аар оруулаад Засгийн газар авах ёстой байсан хэлэлцээр. Би өчигдөр харсан, олон оролцогч байгаа гэж хэлж байна лээ. Үнэн, олон оролцогч байгаа. Бүх хууль хяналтын байгууллага, шүүгчид байсан. Тагнуулын Ерөнхий газрын дарга үүнийг удирдан зохион байгуулсан. Маш хүчтэй систем. Засгийн газар чөлөөт бизнес, эрхзүйн төр, хуулийн засаглалын төлөө зогсож байна. Жам ёсны олон бизнесменүүд илүү тэгш эрхтэй бизнес хийхийн төлөө дахиж ийм систем Монгол Улсад хэзээ ч бүү бүрэлдэн тогтоосой гэж хүсэж байна.
УИХ-аас хэлцэл хийх тогтоол гарсан. Бид хэлцэл хийх гэж зөндөө оролдсон. Засгийн газар ойлгохыг хангалттай хичээсэн. Олон хувилбараар ярилцсан. Хоёр тал өөр байр суурьтай байгаа учраас шүүхээр шийдэгдэхээс өөр гарцгүй байх.
Хөгжлийн Банктай холбоотой асуудалд байр сууриа илэрхийлж байна билээ. Уг нь бол зээл авсан бол төлөх ёстой. Огт төлөгдөхгүй байгаа зээлийг төр яах вэ. Олон нийт үүнийг зөвөөр ойлгоосой гэж хүсэж байна. Төрийн дээр төр байдаг. Шүүхээс, төрөөс дээгүүр, гүйцэтгэх засаглалаас дээгүүр бүгдийг мөнгөний нэг схем, удирдаачийн дохиураар явж, 30-45 хоногийн дотор төрийн бүх системийг удирдаж чадсаныхаа төлөө гомдохгүй юм бол ийм бизнесмен гэж байдаг юм уу, дэлхий дээр. Бүх зүйл цаасан дээр үнэн зөвөөрөө үлдэж байгаа. Ерөнхий сайдын хувьд янз бүрийн юм ярихад хэцүү болчихдог юм байна. Хоёр намыг давхар удирдаж байсан хүн" гэв.
Улаанбаатар 16°C 
Сэтгэгдэл (41)