УИХ-ын гишүүний халдашгүй байдлын дэд хорооны хуралдаанаар УЕП-оос оруулж ирсэн нэр бүхий дөрвөн гишүүнийг түдгэлзүүлэх асуудлыг хэлэлцэж байна. Хамгийн эхэнд УИХ-ын гишүүн Н.Алтанхуягийн асуудлыг хэлэлцэж эхэллээ. Ингэхдээ Н.Алтанхуягийг Хөгжлийн банкны асуудлаар бус Засгийн газрын хуралдааны дэг зөрчсөн асуудлаар бүрэн эрхийг түдгэлзүүлэх саналыг оруулж иржээ.Тодруулбал 2013 онд Ерөнхий сайдаар ажиллаж байхдаа нүүрсний экспортыг дэмжих талаар авах зарим арга хэмжээний тухай тогтоолыг батлахдаа Засгийн газрын хуралдааны дэг зөрчсөн гэж үзэн уг асуудлаар шалган бүрэн эрхийг нь түдгэлжүүлэх саналыг оруулж ирсэн байна. УИХ-ын гишүүний халдашгүй байдлын дэд хороог Н.Энхболд ахалдаг бөгөөд гишүүдээр нь С.Батболд, Б.Бат-Эрдэнэ, Ц.Мөнх-Оргил, С.Бямбацогт нар ажилладаг.
Сэтгэгдэл (0)
Сэтгэгдэл бичигдээгүй байна