2013 оноос эхлэн МИАТ ХК нойтон түрээс гэх нэршлийг ажил болгож эхэлсээн. Үүнээс хойш жил бүр дулааны улирлуудаар онгоцоо гадны авиа компаниудад түрээслүүлсээр байна.
МИАТ ХК түрээсээр ашиглаж байгаа 189 хүний суудал бүхий “Boeing 737-800" агаарын хөлгөө БНЧУ-ын Тravel Service компанид 3 жил дарааллуулан түрээслүүлж байгаа юм. хугацааны хувьд 5 дугаар сарын 15-наас 10 дугаар сарын 15-ны хооронд нойтон түрээсийн журмаар түрээслүүлэхээр харилцан тохирсон байна. Эдгээр сарууд бол манай улсыг гадны жуулчид ихээр сонирхон ирдэг гол сарууд гэж хэлж болно. Гэтэл үндэсний иргэний агаарын тээврийн компани нь өөрийн улсдаа жуулчин татах, валют урсгалыг үлдээх гэсэн анхны алхамуудыг хийхгүй байгаа нь зөв үү. Энэ асуултад хариулт өгөх албан тушаалтан салбар яаманд одоогийн байдлаар алга байна.
Нойтон түрээс гэдэг нь түрээслүүлэгч агаарын хөлөг, түүний техник үйлчилгээ, нисэх бүрэлдэхүүн, их биеийн болон гуравдагч этгээдийн өмнө хүлээх хариуцлагын даатгалыг бүрэн хариуцаж, харин түрээслэгч нь зорчигч, ачаа тээшний хариуцлагын даатгал, газрын үйлчилгээ, агаарын хөлгийг нислэгт гаргах ажлыг гүйцэтгэдэг түрээсийн нэг хэлбэр юм. Өөрөөр хэлбэл МИАТ ХК агаарын хөлөг, техник үйлчилгээ, нисэх бүрэлдэхүүн, их бие болон гуравдагч этгээдийн өмнө хүлээх хариуцлагын даатгалыг бүрэн хариуцах юм. Агаарын тээврийн бизнес нь улирлын чанартайгаар ачаалал ихэсч багасдаг онцлогтой . Ялангуяа зорчигчийн урсгал багасах үед компаний орлогыг бууруулахгүйн тулд зарим онгоцоо гадны авиа компаниудад түрээслүүлэх замаар агаарын хөлгийн ашиглалтыг нэмэгдүүлэх менежмент хийж байгаа гэсэн байдаг ч манай улсын хувьд ид аялал зугаалгын, мөн манай улсыг зорин ирэх жуулчдын улиралд ийнхүү гадны авиа компаниудад түрээслүүлэх нь зөв үү гэдэг анхаарал татаж байгаа юм.
Сэтгэгдэл (0)
Сэтгэгдэл бичигдээгүй байна