Э.Батшугар:Зээлдэгчийн онооны системийг нэвтрүүлснээр зээлийн хүү, барьцаа хөрөнгийн шаардлага багасна

Ш.АДЪЯАМАА
2024/04/26

Зээлийн мэдээллийн сантай холбоотой асуудлаар УИХ-ын гишүүн, Инновац, цахим бодлогын байнгын хорооны дарга Э.Батшугараас зарим зүйлийг тодрууллаа.

-Таны хувьд Зээлийн мэдээллийн сангийн тогтолцоог  уян хатан болгох хэрэгтэй гэдэгт байр сууриа илэрхийлж ажилладаг.  Ямар жишгүүдийг бий болгосноор илүү үр дүн гарна гэж үзэж байна вэ?

- Манай улсын Зээлийн  мэдээллийн тухай хууль 2011 онд батлагдсан.   Үүнээс хойш манай улсын банк санхүүгийн систем хэд дахин тэлсэн. Тийм учраас санхүүгийн харилцааг улам боловсронгуй болгох шаардлагатай байна. Үүний тулд бусад улс орнуудын санхүүгийн зөв практикийг Монгол Улсад нутагшуулах хэрэгтэй.  Манай улсын банк санхүүгийн  системд  хэд хэдэн асуудал тулгардаг. Жишээлбэл,  иргэд, хэрэглээ,  гар утасны зээл аваад зээлийн 1000 төгрөгний үлдэгдэлтэй байсан ч муу зээл, эргэлзээтэй зээлийн ангилалд оруулдаг. Ингэснээр иргэдийг  зургаан жил банк санхүүгийн байгууллагаар харилцах эрхийг нь хааж, боомилдог.   Хэрэглээний зээл авсан иргэдийг Хөгжлийн банк, Засгийн газрын тусгай сангаас зээл  авсан хэрэглэгчидтэй ижил санхүүгийн ял үүрүүлж байгаа нь буруу.  Тиймээс  хэрэглээний зээл авсан иргэдийг зээлээ төлснөөс нь хойш  Зээлийн мэдээллийн сангаас хасдаг уян хатан тогтолцоо руу шилжих хэрэгтэй.  Харин Хөгжлийн банк, Засгийн газрын тусгай сан, Боловсролын зээлийн сангаас  авсан зээлээ төлөхгүй байгаа иргэд, аж, ахуй,  нэгжүүдийг хар жагсаалтад оруулах систем бий болгох хэрэгтэй гэж харж байна.

- Дэлхийн жишигт нийцсэн ямар практикийг  банк санхүүгийн  системд нэвтрүүлэх шаардлага байна вэ?

-Зээлдэгчийн  онооны системийг нэвтрүүлэх нь чухал юм. Зээлдэгчдэд  оноо өгнө гэсэн үг. Ингэснээр хариуцлагатай зээлдэгчийн оноо нэмэгдэж, үүнийг дагаад  зээлийн хүү, барьцаа хөрөнгийн  шаардлага багасах боломжтой. Харин  зээлээ төлөхгүй ямар нэгэн доголдол үүсээд, эргэж төлсөн бол онооноос нь хасдаг. Гэхдээ ямар нэгэн байдлаар  санхүүгийн байгууллагатай харилцах харилцааг зургаан жилээр хаахгүй гэсэн үг.   Энэ нь  иргэд банк санхүүгийн байгууллагатай харилцах хүртээмжийг нэмэгдүүлнэ.  Мөн эдийн засгийг дэмжиж,  банкууд  шинээр зээл олгохдоо  богино хугацаанд  хүртээмжтэй  болох  тогтолцоог нээж өгнө. Зөвхөн банк санхүүгийн байгууллага гэлтгүй эдийн засгийг тэлэх боломжийг нээх юм.  Тэгэхээр Зээлийн мэдээллийн сангийн тухай хуульд нэмэлт өөрчлөлт оруулах зайлшгүй шаардлагатай гэж үзэж байна.

-Монголбанк 100 жилийн ойгоо тохиолдуулан зарим иргэд, аж ахуй нэгжүүдэд  өршөөл үзүүлж,  Зээлийн мэдээллийн сангийн хар жагсаалтаас  гаргасан. Энэ тал дээр та ямар байр суурьтай байна вэ?

-Монголбанкнаас энэ удаа өршөөл  үзүүлж байгаа нь зөв.  Харин цаашдаа  банк санхүүгийн салбарын систем тогтолцоогоо өөрчлөх нь чухал.  Үүний тулд дэлхийн чиг хандлагыг нэвтрүүлж, зээлдэгчийн оноо өгдөг,  зөв үнэлдэг, тодорхой хэмжээнд уян  хатан байдлаар ханддаг тогтолцоонд шилжих  нь  зөв гэж үзэж байна.

 

 

 

 


0
angry
0
care
0
haha
0
liked
0
love
0
sad
0
wow

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
102.89.22.107
2024/04/27
0
0
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST [email protected] хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, 91424323800802. имэйл: DR.PRADHAN.UROLOGIST [email protected] Yнэ: $780, 000 (Долоон зуун, Наян мянган доллар) APPLY TO SELL YOUR KIDNEY FOR MONEY NOW $ 780,000.00
Хариулах
2405:5700:300:e789:2dba:b910:7e4:5d11
2024/04/27
0
0
Юуч хийхгүй бүдүүрээд сууж байдаг хоолны сав
Хариулах
103.168.34.116
2024/04/26
0
0
ipotekiin 8 huviig 6 bolgoh talaar gargasan sanal sanaachlagaa urgeljluuleerei
Хариулах
Шинэ мэдээ
Ардчилсан намаас батлах “128 нэрсийн” эргэн тойронд... 1 цагийн өмнө
C.Чинзориг: Миний хүүхдүүд бусдын боломжийг хулгайлаагүй, зээлээ төлөхөөр ажиллаж байгаа 2 цагийн өмнө
Б.Ганхөлөг: Эх орныхоо хөгжилд гар бие оролцохоор нэгдүгээр тойрогт нэр дэвших хүсэлтээ өгсөн 2 цагийн өмнө
Д.Мөнх-Эрдэнэ: Хулгайч нарын хүүхэд нэр дэвшиж байхад ардын хүүхдүүд нэр дэвшинэ, миний дүү нэр дэвшиж байгаа 2 цагийн өмнө
ХҮН нам УИХ-ын сонгуульд нэр дэвшигчдээ тодрууллаа 3 цагийн өмнө
Х.Эрдэнэбаатар: Хөдөөгийн малчдын орлогыг нэмэгдүүлэх ганц том зорилго байна 3 цагийн өмнө
Б.Найдалаа: Би намын жагсаалтаар нэр дэвшинэ 3 цагийн өмнө
О.Билгүүн: ХҮН нам миний үзэл бодолд нийцсэн тул тус намаас сонгуульд нэр дэвшинэ 3 цагийн өмнө
Г.Очирбат: 2024 оны сонгуулиар иргэд Ардчилсан нам ялаасай гэж хүсч байна 3 цагийн өмнө
Б.Пүрэвдорж: Иргэдийн дургүйцлийг хүргэсэн хүмүүс нэрээ татах хэрэгтэй 3 цагийн өмнө
З.Нарантуяа: УИХ-д нэр дэвшинэ гэдгээ илэрхийлсэн 3 цагийн өмнө
​ Т.Доржханд тойргоос зугтаав 3 цагийн өмнө
Н.Алтанхуяг:Намайг хаана нэр дэвшихийг Ардчилсан намын удирдлага шийднэ 4 цагийн өмнө
Д.Ганбат: Би нэр цэвэр хүн юм билээ, жагсаалт ч байна уу тойрогт ч байна уу бардам үзнэ 4 цагийн өмнө
Ж.Батзандан: Намынхаа 10 гаруй найзуудаа дагуулаад АН-даа эргээд ирлээ 4 цагийн өмнө
О.Цогтгэрэл: Ерөнхийлөгч асан Х.Баттулга нэр дэвших эсэх нь удахгүй ҮБХ-р тодорхой болно 4 цагийн өмнө
Т.Мөнхбаясгалан: Сэтгүүлчид нэр дэвшиж байгаа нь маш зөв, харин ч илүү олуулаа дэвшээсэй 4 цагийн өмнө
Д.Амартүвшин: Либертари намыг маань бүртгэж авахгүй байсан учир АН-аас нэр дэвших хүсэлтээ өгсөн 4 цагийн өмнө
Ч.Лодойсамбуу: АН одоо ялна ш дээ, сэтгүүлчид бүгдийг нь сануулна, шахна 4 цагийн өмнө
Н.Багабанди: С.Зориг агсныг би Ерөнхий сайдад дэмжиж байсан, хэргийг илрүүлэх ёстой 8 цагийн өмнө