ӨМНӨД СОЛОНГОСЫН ЗЭВСЭГТ ХҮЧИН БҮРЭЛДЭХҮҮНЭЭ НЭМЭВ

Өмнөд Солонгосын Засгийн газар тусгай анги шинээр үүсгэн байгуулж, 310 сая ам.доллараар санхүүжүүлсэн байна. Энэ мөнгийг нисэгчгүй онгоц, гранат, буу, галт зэвсэг зэрэг техник хэрэгсэл худалдан авахад зарцуулах юм. Мөн тус улсын Батлан хамгаалах яам техник хэрэгслийнхээ зардлыг 23,7 сая доллараар нэмэгдүүлсэн нь Хойд Солонгосын эсрэг хариу цохилт өгөх, дайны бэлэн байдалд шилжиж буй хэрэг гэж хэвлэлүүд тайлбарлажээ. Эх баригчид энэ мэдээллийг үгүйсгэж байгаа ч цөмийн зэвсэг, пуужингийн халдлагаас хамгаалах зорилгоор тусгай анги байгуулсан гэж "Korea Times" сонинд нийтэлсэн байна.

Шинээр байгуулагдсан тусгай анги нь 1000 орчим өндөр түвшинд бэлтгэгдсэн мэргэжилтнүүдээс бүрдэх бөгөөд АНУ-ын "Army Rangers", "Delta Force, SEAL Team Six", "Green Berets"-тэй төстэй ажээ.

Өнгөрсөн сарын 29-нд Хойд Солонгосчууд зургаа дахь баллистик пуужингаа туршиж, сүрдүүлсэн юм.