Интернэт ертөнц хөгжихийн хэрээр янз бүрийн адал явдал хайгч, туршигчид олширчээ. Тэд дэлхийн тэнгэр баганадсан өндөр барилгын орой дээр гарч, сельфи зураг авч өөрийгөө олонд сурталчлах дуртай. Өчигдөр Хятадын Хэнань мужийн нийслэл Чангша хотын хамгийн өндөр барилга болох 62 давхар "Хуа Юан" төвийн дээврээс 26 настай Ву Ёонинг унаж амиа алдсан хэрэг гарлаа.
Тэрээр Хятадын "Weibo" цахим хуудсанд нэг сая гаруй дагагчтай, сошиал орчинд идэвхтэй нэгэн байсан бөгөөд сүүлийн жилүүдэд өндөр, барилга, байгууламжуудын дээвэр дээрээс шууд бичлэг хийж алдаршжээ.Ву Ёонинг ямар ч хамгаалалтын хэрэгсэлгүйгээр зөвхөн тулааны урлагийн арга техникээр дээвэр дээр гарч, 300 орчим бичлэг цацжээ.
Хятадын хэвлэлд мэдээлж буйгаар тэрээр 100 мянган юань буюу 15 мянган долларын шагналын сантай сорилтод оролцож, амь насаа эрсдэлд оруулсан гэнэ. Энэ мөнгөөр найз бүсгүйтэйгээ гэрлэж, өвчтэй ээжийнхээ эмчилгээний зардалд нэмэрлэх гэж байжээ.
Сэтгэгдэл (0)
Сэтгэгдэл бичигдээгүй байна