ХБНГУ-ын экспорт дэлхийг тэргүүлсээр байна. 2017 онд тус улсын бараа бүтээгдэхүүний экспортын хэмжээ дахин нэмэгдэж 1,3их наяд еврод хүрсэн нь дахин дээд амжилтыг тогтоогоод байна. Испортын хэмжээ ч мөн нэмэгдэж өнгөрсөн онд анх удаа гадаад улс орнуудаас авсан бараа бүтээгдэхүүний хэмжээ нэг их наяд еврог давсан гэж тус улсын статистикийн газар мэдээллээ. Хэдийгээр олон улс Герман улсыг экспортын хэмжээг шаардлагатай хэмжээнээс давуулан гаргаж байна гэж буруутгаж байсан боловч өнгөрсөн онд хэтрүүлэн экспортолсон бараа бүтээгдэхүүний хэмжээ ч мөн буурсан байна. Тус улсын компаниуд нийт 1,2794 их наяд еврогийн бараа бүтээгдэхүүнийг хил давуулан гаргасан бол 2016оныхтой харьцуулахад 6,3% өссөн үзүүлэлт юм. "Германд үйлдвэрлэв" гэсэн шошиготой бараа бүтээгдэхүүнүүд дэлхийн зах зээл дээр нэр хүнд сайтай, эрэлт ихтэй байдаг. Энэ нь манай улсын үйлдвэрүүдийн хувьд сайхан мэдээ юм" гэж Германы аж үйлдвэрийн холбооны тэргүн Ёоахим Данг хэлсэн байна. ЕХ-ны орнууд өнгөрсөн жил тус улсын хувьд томоохон зах зээл байсан юм. Тус улс бусад гишүүн орнууддаа 750тэрбум еврогийн бараа бүтээгдэхүүнийг экпортолж, 682,5 тэрбум еврогийн импорт хийсэн нь өнгөрсөн оныхоос 7,9хувиар өссөн үзүүлэлт юм. Тэгвэл гуравдагч орнуудын хувьд 529,4тэрбум еврогийн бараа бүтээгдэхүүнийг Германаас худалдан авч 352,1тэрбум еврогийн барааг нийлүүлсэн байна.
Сэтгэгдэл (0)
Сэтгэгдэл бичигдээгүй байна