Москва хотын Улаан талбайд Аугаа эх орны дайны ялалтын 73 жилийн ойд зориулсан хүндэтгэлийн жагсаалыг "Первый канал" суваг Youtube-ээр шууд дамжуулах үеэр Улаан талбайд ОХУ-ын Ерөнхийлөгч Путиний хамгаалагч нар түүнтэй ойр явсан нэгэн ахмад дайчныг түлхэж холдуулсан байна. Энэ талаар "Lenta" уламжилжээ. Тухайн үед Путин Сербийн Ерөнхийлөгч Александр Вучич, Израилийн Ерөнхий сайд Биньямин Нетаньяху нар Александрын цэцэрлэг рүү нэр нь үл мэдэгдэх цэргүүдийн булшинд цэцэг өргөхөөр явж байсан аж. Путины хамгаалагч нар Эх орны дайнд оролцож явсан нэгэн ахмад дайчныг төрийн тэргүүнд ойртох үеэр түлхсэн байна. Путин түүнийг анзаарч, ахмад дайчинтай гар барин уулзаж, улмаар хамтдаа явахыг урьжээ. "России 24"-ийн мэдээлснээр, ахмад дайчин Төрийн тэргүүндээ биечлэн "хүндэтгэл үзүүлэх"-ийг хүссэн байна. Үл мэдэгдэх дайчдын хөшөөнд цэцэг өргөх хүний тоо ийнхүү дөрөв болжээ.
Сэтгэгдэл (0)
Сэтгэгдэл бичигдээгүй байна