УИХ-ын гишүүн О.Баасанхүү, МАХН-ын дэд дарга Э.Эрдэнэжамъян хоорондоо нударга зөрүүлсэн гэх мэдээллийг бид өмнө нь мэдээллэсэн билээ. Энэ талаар бид О.Баасанхүү гишүүнээс утсаар тодруулах гэсэн боловч "би завгүй байна" гэх хариултыг өгч утсаа салгасан юм. Мөн түүний намын Хэрлэн гэх эмэгтэйгээс утсаар тодруулахад зодолдож эмнэлэгт хүргэгдэх хүртлээ үүссэн асуудал байхгүй гэсэн мэдээллийг өглөө. Харин бид дахин энэ талаар МАХН-ын дэд дарга Э.Эрдэнэжамъянгаас утсаар тодрууллаа.
Та О.Баасанхүү гишүүнтэй муудалцсан гэсэн мэдээлэл байна. Биеийнх нь байдал хүнд эмнэлэгт хүргэгдсэн юм уу?
-Бид зодолдоод сүйд болоогүй бага зэрэг маргалдсан. О.Баасанхүү гишүүн орж ирээд хүн хүн рүү дайрч салаавч гаргаж байсан.
О.Баасанхүү гишүүн эмнэлэгт хүргэгдчихсэн байгаа юм уу?
-Биднийг хоорондоо барьцалдан авахад манайхан салгасан. О.Баасанхүү гишүүн бие хамгаалагчтай ирсэн байсан. Тэгээд ч шүүхийн танхимд цагдаа нар байсан. Зодолдоод О.Баасанхүүг гэмтээсэн зүйл байхгүй.
Уламбаяр гэгдэх хүн түүнийг эмнэлэгт хүргэгдтэл зодсон гэсэн мэдээлэл байна?
-Би энэ талаар мэдэхгүй гэв.
Сэтгэгдэл (0)
Сэтгэгдэл бичигдээгүй байна