УИХ-ын чуулганы өнөөдрийн ээлжит хуралдаанаар УИХ-ын гишүүн Д.Гантулгыг чөлөөлөх тухай асуудлыг хэлэлцлээ. Хуралдаанд 60 гишүүн оролцож байсан бөгөөд нууц санал хураалт явуулж, 45 гишүүн буюу 75 хувийн саналаар Д.Гантулгыг УИХ-ын гишүүнээс чөлөөллөө. УИХ-ын гишүүн Д.Гантулга энэ сарын 11-нд чөлөөлөгдөх хүсэлтээ УИХ-ын даргад өгсөн бөгөөд ТББХ-ны өчигдрийн хуралдаанаар хүсэлтийг нь хэлэлцэж дэмжсэн юм.
Тодруулбал, УИХ-ын гишүүн Д.Гантулга энэ сарын 11-нд гишүүнээс татгалзах өргөдлөө өгсөн юм. Тэрбээр "Д.Гантулга би 2016 оны УИХ-ын ээлжит сонгуулийн 42 дугаар тойргоос сонгогдон ажиллаж байна. Миний бие УИХ-ын тухай хуулийн 6 дугаар зүйлийн 6.6.3 дахь заалтыг үндэслэн өөрийн хүсэлтээр гишүүнээсээ чөлөөлөгдөх хүсэлт гаргаж байна" хэмээжээ.
Сэтгэгдэл (0)
Сэтгэгдэл бичигдээгүй байна