Сэлэнгэ аймгийн Цагдаагийн газраас "Илрүүлэлт-Оргодол-Шийдвэрлэлт 2018", "Зэвсэг 2018" нэгдсэн арга хэмжээний хүрээнд 60 жолоочийг Зөрчлийн тухай хуулийн холбогдох заалтаар торгож, улсын хэмжээнд эрэн сурвалжлагдаж байсан хоёр оргодол этгээдийг баривчлан ажиллажээ.
Нэгдсэн арга хэмжээний хүрээнд Ерөө, Хүдэр, Зүүнбүрэн, Цагааннуур сумдын чиглэлд хяналт, шалгалтаар ажиллаж 78 зөрчил илрүүлсэн байна.
Илэрсэн зөрчлүүдээс согтуугаар тээврийн хэрэгсэл жолоодсон зургаа, эрхийн үнэмлэхгүй тээврийн хэрэгсэл жолоодсон долоо, зохих зөвшөөрөлгүй нарс мод тээвэрлэж явсан нэг, бичиг баримтгүй галт зэвсэг тээвэрлэж явсан гурав, ангийн мах зөвшөөрөлгүй тээвэрлэж явсан зэрэг зөрчил илрүүлжээ. Мөн хяналт, шалгалтын хүрээнд "Хурдаа хас!", "Хамгаалах бүс таныг хамгаална" зэрэг санамж, сэрэмжлүүлгийг иргэдэд тараан ажилласан байна.
Сэтгэгдэл (0)
Сэтгэгдэл бичигдээгүй байна