МАН-ын УИХ дахь бүлэг хоёр хуваагдаж нэг тал нь Ерөнхий сайдыг огцруулах бойкот хийж байсан бол харин нөгөө хэсэг нь УИХ-ын дарга М.Энхболдыг огцруулах асуудлыг хөндөж 38-н гишүүний гарын үсэг цуглуулсан гэдгээ өнөөдөр мэдэгдсэн юм.
Тэгвэл МАН эвлэлдэх ажлын хэсэг байгуулаад байгаа аж. Ерөнхий сайдыг дэмжиж байгаа талынхны Ажлын хэсгийг ЗГХЭГ-ын дарга Г.Занданшатар ахалж байгаа бол "60 тэрбум"-ын бүлэг гэгдээд байгаа Ерөнхий сайдыг огцруулах бичигт гарын үсэг зурсан талынхны Ажлын хэсгийг Л.Энх-Амгалан ахалж УИХ-ын гишүүн С.Бямбацогт, Д.Оюунхорол, Ж.Эрдэнэбат багтжээ. Ажлын хэсгийнхэн хэд хэдэн удаа уулзсан боловч хоёр талаас тавьж байгаа шаардлагуудаа хүлээж авахгүй, ойлголцолд хүрч чадахгүй байгаа юм байна.
Энэ нь эхдээ эрх барьж байгаа нам сөрөг хүчинтэйгээ ойлголцох Ажлын хэсэг байгуулж байсан болохоос биш, нэг намын бүлэг хоёр хуваагдчихаад ойлголцох Ажлын хэсэг байгуулж байгаа нь анхны тохиолдол болоод байна
Сэтгэгдэл (0)
Сэтгэгдэл бичигдээгүй байна