Г.ЧИМГЭЭ: ОХИНЫГ МИНЬ ЦАГДААГИЙНХАН ХАР ТАМХИНД ХУТГАХ ГЭЖ ОРОЛДОЖ БАЙНА

Загвар өмсөгч Ч.Чамин-Эрдэнийн ээж Г.Чимгээ болон Охид, эмэгтэйчүүдийн эрх ашгийг хамгаалах "Охидын түүх" ТББ-аас өнөөдөр мэдээлэл хийлээ.

Талийгаачийн ээж охиныхоо амь насаа алдсан хэргийг хаахыг оролдсон хуулийн байгууллагад маш их гомдолтой байгаагаа хэллээ. Тэрбээр "Охиныг маань өөрөө амиа хорлосон болгож, хэргийг хаах гэж маш их оролдож байгаа. Би үүнтэй санал нийлэхгүй. Molgolian next top model шоу нэвтрүүлэгт оролцож байгаа Одонтунгалагийн ээж яагаад маанийн ерөөлөө тайлбарлахгүй байна вэ. Одонтунгалаг миний охиныг дарамталж байсныг охин маань надад хэлсэн. Миний охин худлаа ярихгүй. Миний охин бүрхэг, дуугүй хүн байгаагүй. Эрүүл чийрэг биетэй, шударга охин байсан. Гэтэл одоо цагдаагийнхан хар тамхинд хутгах гэж оролдож байна" хэмээн ярилаа.

Мөн тэрбээр нэвтрүүлгийн оролцогч Одонтунгалаг болон талийгаач Ч.Чамин-Эрдэнийн найз залуу Нэмэхбаяр хоёроос охиныхоо амийг нэхнэ гэдгээ хэллээ.