УИХ-ын Халдашгүй байдлын дэд хороо Төрийн ордны Г танхимд 14.00 цагт хуралдахаар боллоо. Тус хуралдаанаар Улсын Ерөнхий прокуророос ирүүлсэн УИХ-ын гишүүн Д.Дамба-Очир, Г.Солтан, Б.Ундармаа, Л.Энхболд нарын бүрэн эрхийг түдгэлзүүлэх хүсэлтийг хэлэлцэж байна. Эдгээр дөрвөн гишүүн нь ЖДҮХС-аас зээл авсан гэсэн асуудлаар Ерөнхий прокуророос бүрэн түдгэлзүүлэх санал ирүүлсэн юм. Халдашгүй байдлын дэд хорооны дарга нь УИХ-ын гишүүн, Хууль зүйн дотоод хэргийн сайд Ц.Нямдорж. Таван хүний бүрэлдэхүүнтэй тус дэд хорооны гишүүд нь Н.Энхболд, Ч.Улаан, Ө.Энхтүвшин, Д.Лүндээжанцан нар юм. Улсын Ерөнхий прокуророос ирсэн бичгийг 48 цагийн хугацаанд УИХ-аас хэлэлцэх ёстой. Өчигдөр тус дэд хорооны хурал зарласан нь ирц бүрдээгүй гэх шалтгаанаар өнөөдөр болж хойшлогдсон бол, энэ асуудлыг мөн үзээс хойш хэлэлцүүлэхээр болжээ. ЖДҮХС-ийн зээлээс болж, гишүүний бүрэн эрхээ түдгэлзүүлэхэд хүрээд буй 4 гишүүний асуудлаар ажил хаялт зарласан УИХ-ын зарим гишүүд Ерөнхий сайдын өрөөнд цуглаж байна
Сэтгэгдэл (0)
Сэтгэгдэл бичигдээгүй байна