Энэ сарын 10-ны өдөр УИХ-ын дарга М.Энхболдыг албан тушаалаасаа огцрохыг шаардаж МАНАН" дэглэмийн эсрэг, монгол түмнийн нэгдэл" эсэргүүцлийн жагсаал болсон. Дээрх жагсаалд оролцохоор маш олон иргэд ирсэн бөгөөд энэ үер цагдаагийн байгууллагын зүгээс өндөржүүлсэн бэлэн байдалд ажилласан байна. Харин жагсаалд оролцохоор ирсэн хоёр залуу биедээ утаа гаргагч болон хорт утааны маск нууж байсныг явган эргүүлүүд илрүүлжээ. Тодруулбал, Жагсаал цуглааны үер Говьсүмбэр аймгийн харьяат 23 настай Э болон Сүхбаатар дүргийн 23 настай А нар нь биедээ 22 см урттай 3.5 диаметртэй шар өнгийн цаасан гадаргуутай ф-511, т-78 загварын утаа гаргагч хоёр ширхэг, хорт утааны зориулттай маск нэг ширхэгийг авч явж байжээ.
Нийтийг хамарсан жагсаал цуглааны үеэр үймээн үүсгэж болзошгүй нөхцөл байдал илэрсэн учраас дээрх хоёр иргэнийг саатуулах арга хэмжээ авсан аж. Учир нь жагсаал эхэлж байх үеэр утаа гаргагчийг биедээ нууж байсан гэх. Уг хоёр иргэнийг Сүхбаатар дүүргийн цагдаагийн Нэгдүгээр хэлтэст түр саатуулан тайлбар авсан байна. Мэдүүлэгтээ тухайн иргэд кино зураг авалтанд ашиглахаар авч явсан хэмээн хэлсэн байдаг. Харин цагдаагийнхны урьдчилсан шалгалтаар үймээн дэгдээж иргэдийг турхирч болзошгүй байсан нь тотоогдсон байна. Иймд биедээ утаа гаргагч нууж байсан иргэдэд Сүхбаатар дүүргийн цагдаагаас зөрчлийн хэрэг нээж нарийн мөрдөн шалгах ажиллагааг явуулж эхэлжээ
Сэтгэгдэл (0)
Сэтгэгдэл бичигдээгүй байна