ЗОДООН ХИЙЖ, ТАНХАЙРСАН ХУРАНДАА НАРЫГ ҮҮРЭГТ АЖЛААС НЬ ЧӨЛӨӨЛӨХӨӨР БОЛЖЭЭ

Нийслэлийн Баянзүрх дүүргийн нутаг дэвсгэрт байрлах Баянмонгол хороололд цагдаагийн өндөр албан тушаалтай хурандаа нар согтууруулах ундааний зүйл хэтрүүлэн хэрэглэсэн үедээ зодолдож, улмаар нэгнийхээ толгойн тус газарт гэмтэл учруулсан билээ. Дээрх хэрэг энэ сарын 12-13-ны шилжих шөнө болсон байдаг. БЗД-ийн Баянмонгол хороололд очтол ЦЕГ-ын Дотоод хяналт шалгалтын хэлтсийн хурандаа н.Ариунбат, Нийслэлийн цагдаагийн газрын Хэв журмын хэлтсийн дэд хурандаа н.Отгонжаргал нар н.Ариунбатын гэрт согтууруулах ундаа хэрэглэж байгаад хоорондоо маргалдан зодолдож, улмаар нэгнийхээ тархи толгойг гэмтээсэн хэрэг гарсан.Хэргийг одоогоор БЗД-ийн цагдаагийн нэгдүгээр хэлтэс шалгаж байгаа бөгөөд тэд хувийн шинжтэй маргаанаас болж ийнхүү хоорондоо зодолдсон гэх мэдээлэл бий.Дээрх хэрэгт холбогдсон хурандаа нарыг ЦЕГ-ын дарга, цагдаагийн хурандаа С.Баатаржав өнөөдөр тушаал гаргаж, үүрэгт ажлаас нь чөлөөлөхөөр болсон байна