Дархан-Уул аймгийн Дархан сумын долдугаар багийн иргэн А-ийн гахайд Африкийн мялзан өвчин илэрсэн нь Улсын мал эмнэлэг, ариун цэврийн төв лабораторийн шинжилгээгээр тогтоогдсон байна. Өчигдөр тус сумын Онцгой комисс шуурхай хуралдан 2019 оны нэгдүгээр сарын 16-30-ны өдөр хүртэл 14 хоногийн хугацаанд долдугаар багийн Зурагтын ар хэсэг нэгдүгээр гудамжны найман өрхөд хэсэгчлэн хорио цээрийн дэглэм тогтоох шийдвэр гаргажээ. Улмаар хорио цээрийн дэглэм тогтоосон нутаг дэвсгэрт доорх үйл ажиллагааг хориглосон байна.Мөн хорио цээрийн дэглэм тогтоосон нутаг дэвсгэрт байнгын пост гаргаж ажилуулахаар шийвэрлэжээ. Түүнчлэн Ширээ нуруунд оршин суугч Дархан сумын иргэн З-ийн гахайд мялзан өвчин илэрсэн нь тогтоогдсон байна. Тухайн иргэний оршин суугаа нутаг дэвсгэрийн харъяаллаар Сэлэнгэ аймгийн Сайхан сумын Засаг даргын захирамж гарч тус сумын Номгон гуравдугаар багийн Ширээ нурууны 1-1 гудамжны нэг өрхөд нэгдүгээр сарын 16-30-ны өдөр хүртэл хорио цээрийн дэглэм тогтоосон аж
Сэтгэгдэл (0)
Сэтгэгдэл бичигдээгүй байна